កម្លាំងកងរាជអាវុធហត្ថស្រុកឱរ៉ាល់ ខេត្តកំពង់ស្ពឺ បានចុះឆែកឆេរ និងឃាត់បានឈើចំនួន ៨១ដុំ ដែលក្រុមឈ្មួញបានដឹក យកទៅលាក់ទុកក្នុងក្រុមហ៊ុន HLH ក្នុងចម្ការអំពៅមួយកន្លែង ស្ថិតនៅក្នុងឃុំត្រពាំងជោ ស្រុកឱរ៉ាល់ ព្រមទាំងបានរឹបអូសយកទៅរក្សាទុក ចាត់ការតាមនីតិវិធីច្បាប់។

លោកវរសេនីយ៍ទោ សោម ពុទ្ធតារា មេបញ្ជាការមូលដ្ឋានកងរាជអាវុធហត្ថស្រុកឱរ៉ាល់ បានប្រាប់ថា ប្រតិបត្តិការបង្រ្កាប នេះធ្វើឡើង នៅរសៀលថ្ងៃទី២១ ខែវិច្ឆិកា ឆ្នាំ២០១៧ ដែលមានការសហការជាមួយ សង្កាត់រដ្ឋបាលព្រៃឈើត្រពាំងជោ ដឹកនាំដោយនាយសង្កាត់ ស្មៀន សារ៉េត។ ឈើទាំងនោះជាប្រភេទឈើខ្លុង ត្បែង សរុប៨១ដុំ។

ខណៈនេះ កម្លាំងសមត្ថកិច្ចកំពុងរឹបអូសយកទៅរក្សាទុកនៅខណ្ឌរដ្ឋបាលព្រៃឈើខេត្តកំពង់ស្ពឺ ដើម្បីចាត់ការបន្ត តាមនីតិវិធី៕

ប្រភព៖ freshnews