តារាកំប្លែងជើងចាស់ដ៏មានប្រជាប្រិយភាពក្នុងប្រទេសកម្ពុជានោះគឺលោក អ៊ូប៊ុណ្ណារ៉ាត់ ដែលឈ្មោះក្នុងសិល្បះហៅថា នាយក្រឹម បានក្លាយជាឪពុករបស់ទារិកាភ្លោះ នៅថ្ងៃនេះ។

បន្ទាប់ពីបានលេចលឺរឿងអាស្រូវស្នេហារវាងនាយក្រឹម និង តារាកំប្លែងស្រីដែលជ្រកក្រោមដំបូលតែមួយនោះគឺអ្នកនាងគង់ ច័ន្ទស៊ីណា ហៅស្រីលាភ នោះមកយើងក៏មិនបានឃើញវត្តមានរបស់អ្នកនាងនៅសម្ដែងជាក្រុមទៀតឡើយ ដោយសារអ្នកនាងបានសំងំថែរក្សាកូននៅក្នុងផ្ទៃរបស់នាង​ និង នាយក្រឹម ។

រហូតមកដល់ថ្ងៃនេះ ទើបតែទទួលបានព័ត៌មានថា អ្នកនាង ស្រីលាភបានសម្រាលកូនភ្លោះស្រីទាំងពីរនាក់នោះដោយជោគជ័យ និង សុខសប្បាយ ក្នុងនោះផងដែលគេក៏ឃើញមានវត្តមានរបស់នាយក្រឹមនៅផ្ដល់កម្លាំងចិត្តជូនភរិយាផងដែរ ។

នាយក្រឹមបានបង្ហាញនៅទឹកមុខញញឹមញញែម និង អបអរចំពោះកំណើតរបស់កូនស្រីភ្លោះទាំងពីរនេះ ។