ដំណឹងអាក្រក់!! Appleនឹងពន្យារការដាក់លក់smart speakerរបស់ខ្លួន

255 Views
November 25, 2017


Appleនឹងពន្យារការដាក់លក់HomePodរហូតដល់ឆ្នាំ2018។ ដំបូងឡើយក្រុមហ៊ុនអេឡិចត្រូនិចដ៏ធំនេះនឹងបញ្ចេញការលក់ផលិតផលរបស់ខ្លួននៅខែធ្នូខាងមុខនេះ ប៉ុន្ដែដោយសារតម្រូវការបច្ចេកទេសខ្លះទើបបណ្ដាលឲមានការយឺតយ៉ាវ។

HomePodបានត្រៀមរួចរាល់សម្រាប់ការដាក់លក់នៅតាមបណ្ដាប្រទេសដូចជា អាមេរិក ចក្រភពអង់គ្លេស និងអូស្រ្ដាលី​នាដើមឆ្នាំ2018ខាងមុខនេះ។

ពត៌មាននេះបាននាំឲមានការខកខានផែនការក្នុងការប្រជែងវាយលុកទីផ្សារជាមួយAmazonនិងGoogle។

HomePod​  speaker ​​ឥតខ្សែនេះត្រូវការពេលបន្តិចទៀតក្នុងការអភិវឌ្ឍបន្ថែមមុននឹងឈានដល់ការដាក់លក់ អាស្រយ័ហេតុនេះហើយAppleនឹងត្រូវខកខានក្នុងការបញ្ចេញផលិតផលសម្រាប់រដូវកាលឈប់សម្រាកប្រចាំឆ្នាំ។

តាមរយៈការបង្ហើបរបស់ក្រុមហ៊ុនកាលពីខែមិថុនាបានឲដឹងថាឧបករណ៍នេះមានតម្លៃ $349(£265) នៅសហរដ្ឌអាមេរិក  និង£350នៅចក្រភពអង់គ្លេស។

HomePod​ នេះបានរចនាឡើងយ៉ាងពិសេសហើយមានមុខងារក្នុងការចាក់ចម្រៀង អនុញ្ញាតឲអ្នកប្រើប្រាស់កំណត់ម៉ោងបានដោយមិនចាំបាច់ប្រើដៃ រក្សាបញ្ជីទិញទំនិញ ព្រមទាំងរាយការណ៍ពីពត៌មាន អាកាសធាតុ​និងផ្សេងទៀត។

ចាប់តាំងពីក្រុមហ៊ុន Apple បានបង្ហាញ HomePod មក គេបានសង្កេតឃើញថាទាំងក្រុមហ៊ុន Google និងAmazon បានបន្ថែមម៉ូដែលspeakerថ្មីៗ របស់ពួកគេដែលធ្វើឱ្យមានការប្រកួតប្រជែងកាន់តែខ្លាំងជាមួយក្រុមហ៊ុន Apple ។

ប្រភព៖​ bbc

ដោយ៖Taylor


Facebook Comment