បន្ទាប់ពីលោក សុរិន្ទ ពិនសុវណ្ណអតីតអគ្គលេខាធិការអាស៊ាន និងជាអតីតរដ្ឋមន្រ្តីការបរទេសថៃបានទទួលមរណៈភាពកាលពីល្ងាចថ្ងៃព្រហស្បត្តិ៍ម្សិលមិញដោយសារជម្ងឺគាំងបេះដូង មេដឹកនាំកំពូលៗនៅក្នុងប្រទេសថៃបានបង្ហាញសារចូលរួមសោកស្តាយយ៉ាងខ្លាំង។

ក្នុងនោះលោក អាភិ ស៊ីត វីចាជីវ៉ា ដែលជាប្រធាគណបក្សប្រជាធិបតេយ្យនៅក្នុងប្រទេសថៃបានហៅមរណៈលោកសុរិន្ទ ពិនសុវណ្ណថាជាការបាត់បង់ធនធាននៃប្រទេសថៃម្នាក់ដ៏សំខាន់ដែលធ្លាប់បានកសាងកេរ្តិ៍ឈ្មោះជូនប្រទេសថៃ។

ជាមួយគ្នានេះដែរលោកនាយករដ្ឋមន្រ្តីថៃ ប្រាយុទ្ធចាន់អូចារក៏បានបង្ហាញពីអារម្មណ៍ក្តុកក្តួលជាពន់ពេកនូវដំណឹងមរណៈភាពនេះ។

គួរបញ្ជាក់ថាលោក សុរិន្ទពិន សុវណ្ណបានកាន់កាប់តំណែងជាអគ្គលេខាធិការអាស៊ានកាលពីចន្លោះឆ្នាំ 2008 រហូតដល់ឆ្នាំ​ 2012 មុពេលដែលលោកបានចូលមកកនា់តំណែងជាអ្នកនយោបាយនៅក្នុងគណបក្សវិញ ហើយលោកបានសម្រេចស្នាដៃជាច្រើនជូនប្រទេសថៃ និងស្នាកដៃជាច្រើនជូនសហគមន៍អាស៊ាន៕

ប្រភព៖ bangkokpost

ដោយ៖ វិសាល