មេគ្រឿងញៀន មកចែកចាយនៅស្រុកកំពង់សិលា ខេត្តព្រះសីហនុ រួមជាមួយថ្នាំ២៨កញ្ចប់ ត្រូវបានកម្លាំងនគរបាលតាមបង្ក្រាបបាន
កម្លាំងនគរបាលស្រុកកំពង់សិលា ខេត្តព្រះសីហនុ ក្រោមការបញ្ជាផ្ទាល់ពីសំណាក់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានបន្តប្រតិបត្តិការតាមបង្ក្រាប និងចាប់ខ្លួនមេចែកចាយគ្រឿងញៀនម្នាក់ នៅតាមផ្លូវជាតិលេខ៤ ក្នុងភូមិបឹងត្រាច ឃុំចំការហ្លួង ដោយដកហូតថ្នាំចំនួន២៨កញ្ចប់។
លោកឧត្តមសេនីយ៍ទោ ជួន ណារិន្ទ បានបញ្ជាក់នៅថ្ងៃទី៣ ខែធ្នូ ឆ្នាំ២០១៧នេះថា ជនសង្ស័យឈ្មោះ កែវ ផានិត អាយុ១៧ឆ្នាំ មានទីលំនៅកំពង់កណ្តាល ឃុំកំពង់បាយ ស្រុកកំពត ខេត្តកំពត មុខរបរជាសិស្ស ហើយក្រោយការចាប់ខ្លួនកម្លាំងនគរបាលរបស់លោកបានដកហូតថ្នាំញៀនមេតំហ្វេតាមីនចំនួន២៨កញ្ចប់ (មាន៧កញ្ចប់ធំ និង២១កញ្ចប់តូច)។
លោកវរសេនីយ៍ទោ ហួត ចន្ធី អធិការនគរបាលស្រុកកំពង់សិលា បានបញ្ជាក់ថា មុខសញ្ញាគ្រឿងញៀនម្នាក់ នេះមិនមែនជាមនុស្សនៅក្នុងមូលដ្ឋានឡើយ គឺមកពីចំងាយតែមានសកម្មភាពគួរឲ្យសង្ស័យ ទើបសមត្ថកិច្ចបានតាមដាន ហើយឃាត់ខ្លួនមកសួរនាំ ទើបបែកធ្លាយរកឃើញថ្នាំញៀនតែម្តង។
ករណីនេះសមត្ថកិច្ចជំនាញ កំពុងកសាងសំណុំរឿង តាមនីតិវិធីបញ្ជូនទៅសាលាដំបូង ដើម្បីចាត់ការតាមច្បាប់៕
ប្រភព៖ freshnews
គ្រូបង្រៀនជនជាតិឥណ្ឌូណេស៊ីម្នាក់រំលោភសិស្ស ១៣ នាក់
ស្ត្រីបានដើរតួនាទីយ៉ាងសំខាន់ក្នុងការចូលរួមការពារ និងអភិរក្សធនធានធនធម្មជាតិ….នេះជាប្រសាសន៍លើកឡើងរបស់លោកជំទាវ ឌិត នីតា ភរិយា ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន
សន្និសិទកំពូលលើកទី១៥ (COP-15) នៅទីក្រុងគួនមីង សាធារណរដ្ឋប្រជាមានិតចិន
ក្រសួងបរិស្ថាន ទទួលម៉ូតូរ៉ឺម៉កកង់បីដឹកជញ្ជូនសំរាម សំណល់រឹង៥០គ្រឿងពីក្រុមហ៊ុន ជីប ម៉ុង
អាជ្ញាធរជាតិអប្សរាប្រារព្ធខួប២៥ឆ្នាំ….!!
អាជ្ញាធរជាតិអប្សរារៀបចំពិធីក្រុងពាលីនៅប្រាសាទអង្គរខាង លិចដើម្បីសុំសេចក្តីសុខ សប្បាយនៅក្នុងឱកាសគម្រប់ខួប២៥ឆ្នាំនៃការបង្កើតអាជ្ញាធរជាតិអប្សរា