យោងទៅតាមអ្នកតំណាងអាកាសយានដ្ឋានជប៉ុនលោក ​Yukata Kuratomi​ បានបង្ហើបប្រាប់ថា មនុស្សយន្ដចំនួនប្រាំពីរគ្រឿងកំពុងតែតម្លើងដើម្បីជាប្រយោជន៍សម្រាប់ប្រើប្រាស់នៅតាមព្រលាន។​

មួយក្នុងចំណោមនោះគឺជាកូនឆ្មាយន្ដ​ ដែលមានមុខងារអាចបកប្រែភាសាផ្សេងៗបាន​ ដោយគ្រាន់តែលើកមេក្រូដែលភ្ជាប់នឹងកូនឆ្មាយន្តនោះមកនិយាយ ក្រោយមកអក្សរនឹងបង្ហាញឡើងនៅលើអេក្រង់។​

មនុស្សយន្ដផ្សេងទៀតនឹងបំពេញមុខងារជញ្ជូនវ៉ាលីអ្នកដំណើរ។ លោក​ Kuratomi និយាយថា៖​ “ យើងចង់ឲ្យភ្ញៀវទេសចរណ៍ទាំងអស់មានអារម្មណ៍ថា​ជនជាតិជប៉ុនគឺឡូយ។”

យ៉ាងណាមិញ វាមិនមែនជាលើកទីមួយទេដែលជប៉ុនប្រើម​នុស្សយន្ដសម្រាប់មុខងារផ្សេងៗ។​ ម៉្យាងវិញទៀត នេះគឺជាវិធីសាស្ដ្រដ៏ល្អបំផុតក្នុងការដោះស្រាយបញ្ហាប្រឈមគឺ ការថយចុះនៃកំំណើនប្រជាជនដោយសារតែជនជាតិជប៉ុនភាគច្រើនយកការងារជាធំហើយមិនយកកូន។​ ការប្រើប្រាស់មនុស្សយន្តជំនួសឲ្យកម្លាំងមនុស្សគឺជាជម្រើសល្អបំផុត។​

ប្រភព៖ sputniknews

ដោយ៖​Taylor