លោក ចាន់ ចេស្តា ដែលជាឪពុកបង្កើតរបស់កីឡាករល្បីល្បាញកម្ពុជា ចាន់ វឌ្ឍនាការត្រូវបានផ្លាស់ប្តូរទៅកាន់តំណែងដើមវិញ ពោលគឺជា​យោងតាម​ព្រះរាជក្រឹត្យ ចុះ​ថ្ងៃទី​០២ ខែមករា ឆ្នាំ​២០១៨ បាន​ត្រាស់បង្គាប់​ផ្ទេរ​ភារកិច្ច​ ឯកឧត្តម ចាន់ ចេស្តា ឋានន្តរស័ក្តិ​ឧ​ត្ត​ម​មន្ត្រី​ថ្នាក់​លេខ​៤ នៃ​ក្របខណ្ឌ​មន្ត្រី​គ្រប់គ្រង​រដ្ឋបាល​ក្រសួងកសិកម្ម រុក្ខាប្រមាញ់ និង​នេសាទ ពី​អភិបាល​ខេត្តកំពត ឲ្យ​ទៅ​បម្រើ​ការងារ​នៅ​ក្របខណ្ឌ​ដើម​វិញ​។

ជាមួយគ្នានេះដែរឯកឧត្តម ជាវ តា​យ ត្រូវព្រះមហាក្សត្រ​តែងតាំង​ជំនួសអភិបាល​ខេត្តកំពតចាស់  ហើយឯកឧត្តមធ្លាប់ជា​អភិបាលរង​ខេត្តកណ្តាល ត្រូវបាន​ព្រះមហាក្សត្រ នៃ​ព្រះរាជាណាចក្រ​កម្ពុជា សម្រេច​តែងតាំង​ជា​អភិបាល​ខេត្តកំពត​ថ្មី៕