លោក ខៀវ​ កាញារីទ្ធ រដ្ឋមន្រ្តីក្រសួងព័ត៌មាន នៅព្រឹកថ្ងៃទី២១ ខែមីនា ឆ្នាំ២០១៨នេះ បានស្នើឱ្យសមត្ថកិច្ច ធ្វើការឃាត់ខ្លួនមនុស្សមួយក្រុម ដែលបានយកឈ្មោះក្រសួងរបស់លោក ទៅដើរជំរិតទារប្រាក់ពីសហគ្រាសនានា។

លោក ខៀវ​ កាញារីទ្ធ បានបញ្ជាក់នៅលើបណ្តាញ Facebook យ៉ាងដូច្នេះថា៖ «មនុស្ស​មួយ​ក្រុម​នេះ​ យក​ឈ្មោះ​ក្រសួង​ព័ត៌មាន​ទៅ​ដើរ​ជំរិត​លុយ​តាម​សហគ្រាស​នានា​ បើខាង​អង្គភាព​ណា​ជួប​អ្នក​ណា​យក​ឈ្មោះ​ក្រសួង​ដើរ​ទារ​លុយ​សូម​ជួយ​ឃាត់​ខ្លួន​ប្រគល់​អោយ​សមត្ថកិច្ច​នៅ​កន្លែង​នោះ​ផង​»។

ទោះជាយ៉ាងនេះក្តី លោករដ្ឋមន្រ្តី មិនបានបញ្ជាក់អំពីអត្តសញ្ញាណរបស់ក្រុមខាងលើនេះនៅឡើយទេ៕