ខណៈពេលដែលពិធីបុណ្យចូលឆ្នាំប្រពៃណីខ្មែរ កាន់តែខិតជិតមកដល់ នៅតាមក្រុងនិងខេត្តពាសពេញប្រទេសកម្ពុជា កំពុងតែសស្រាក់សស្រាំរវល់រៀបចំការតុបតែង ដើម្បីត្រៀមទទួលឆ្នាំថ្មី ពិសេសគឺស្នាដៃក្លោងទ្វារសង្ក្រាន្ដដែលមានការច្នៃប្រឌិត យ៉ាងស្រស់ស្អាតម៉្យាងម្នាក់។

ក្នុងចំណោមខេត្តក្រុងដែលកំពុងតែសង់ក្លោងទ្វារសង្រ្កាន្ដ គេសង្កេតឃើញថា ខ្លោងទ្វារនៅខេត្តព្រៃវែងកំពុងតែទទួលបានការសរសើរមិនដាច់ពីមាត់ ពីមហាជន ពិសេសអ្នកលេងបណ្ដាញសង្គមហ្វេសប៊ុក។ ពេលនេះ ម្ចាស់ស្នាដៃផ្ទាល់ដែលមានគណនីឈ្មោះ San Art បានបង្ហោះរូបភាពពីគំនូរព្រាងរបស់ក្លោងទ្វារសង្ក្រាន្ដដែលខ្លួនបានគូរចេញពីគំនិតច្នៃប្រឌិតដោយផ្ទាល់។

លោក San Art បានបង្ហោះថា៖

«ក្លោងទ្វាសង្ក្រាន្តឆ្នាំថ្មីដែលបានចាកដោតបេះដូង ប្រជាពលរដ្ឋខេត្តព្រៃវែង ពិតជាអរគុណយ៉ាងជ្រាលជ្រៅ ដែលបានផ្តល់ឱកាសដល់ខ្ញុំដើម្បីបញ្ចេញសម្ថភាព ក្នុងការបញ្ចេញស្នាដៃដើម្បីលំអរ សោភ័ណភាព ក្នុងន័យស្វាគមន៍សង្ក្រាន្តឆ្នាំថ្មី

ជូនពរប្រជាពលរដ្ឋកម្ពុជាទាំងអស់គ្នា ជួបតែសំណាងល្អ សុខភាពល្អ និងរកសុីទទួលទានមានបានគ្រប់ៗគ្នាក្នុងឆ្នាំថ្មីនេះ៚ »

ចុះប្រិយមិត្តយល់ថាពិតជាស្អាតមែនទេ? សម្រាប់ admin គឺពេញចិត្តពេញថ្លើមតែម្ដង ហើយក៏សូមសរសើរលោក San Art ដោយស្មោះ!