អតីតមេដឹកនាំកំពូលនៅក្នុងក្រុមឧទ្ទាម Farc ម្នាក់ត្រូវបានចាប់ខ្លួនតាមសំណើរ របស់សហរដ្ឋអាមេរិកនៅក្នុងទីក្រុង Bogota ដោយសារតែគេបានរកឃើញ ពាក់ព័ន្ធនឹងការជួញដូរគ្រឿងញៀនដ៏ធំ។

អ្នកដែលត្រូវបានចាប់ខ្លួនគឺមានឈ្មោះថា Jesus Santrich ដែលធ្លាប់មាន តំណែងនៅក្នុងជួរប្រមុខដឹកនាំក្រុមឧទ្ទាម Farc និងជាបេក្ខភាពដែល រដ្ឋាភិបាលកូឡុំប៊ីត្រៀមសម្រាប់តំណែងសមាជិកសភាផងដែរ។ ក៏ប៉ុន្តែជាអកុសល លោកត្រូវបានតុលាការទីក្រុង New York រកឃើញថាបានពាក់ព័ន្ធនឹងការជួញដូរ គ្រឿងញៀនដ៏ធំក្នុងរយៈពេលកន្លងមក។

យ៉ាងណាមិញលោក Ivan Marquez បាននិយាយថាវាអាចនឹងក្លាយទៅជាបញ្ហា មួយដែលអាចរាំងដល់ដំណើរការចារសន្តិភាពជាមួយនឹងរដ្ឋាភិបាលកូឡុំប៊ី ព្រោះ អ្នកគាំទ្រក្រុមឧទ្ទាម Farc ភាគច្រើនមិនពេញចិត្តនឹងការចាប់ខ្លួនមេដឹកនាំ របស់ពួកគេបែបនេះឡើយ។

បញ្ជាក់ថាជម្លោះរវាងក្រុមឧទ្ទាម Farc និងរដ្ឋាភិបាលកូឡុំប៊ីបានកើតឡើង អស់រយៈពេលជាយូរណាស់មកហើយ ដោយក្នុងនោះនៅក្នុងឆ្នាំ ២០១៦ គឺជាឆ្នាំ ដ៏អស្ចារ្យដែលភាគីជម្លោះទាំង ២ បានងាកមកកាន់តុចចារជំនួសឲ្យ ការកាប់ សម្លាប់បង្ហូរឈាមគ្នា៕