(ភ្នំពេញ)៖ ដើម្បីអបអរសាទរ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលខិតជិតមកដល់ក្នុងរយៈពេល២ថ្ងៃ ខាងមុខនេះ នៅព្រឹកថ្ងៃទី១២ ខែមេសា ឆ្នាំ២០១៨នេះ ទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីភាព បើកឲ្យប្រើប្រាស់ជាបណ្តោះអាសន្ន ស្ពានអាកាសផ្សារដីហុយ ជូនប្រជាពលរដ្ឋធ្វើដំណើរឆ្លងកាត់។

ក្រោយពីការសាងសង់ចប់រួចរាល់ ស្ពានអាកាសផ្សារដីហុយនេះ នឹងរួមចំណែកកាត់បន្ថយការកកស្ទះ និងគ្រោះថ្នាក់ចរាចរ នៅលើវិថីសហព័ន្ធរុស្សី។

សូមសម្រាបថា ស្ពានអាកាសផ្សារដីហុយ បានចាប់ផ្តើមបើកការដ្ឋានសាងសង់កាលពី ចុងខែសីហា២០១៦ ហើយបានបញ្ចប់ និងដាក់ឲ្យប្រើប្រាស់ជាបណ្ដោះអាសន្ន នៅថ្ងៃទី១២ ខែមេសា ឆ្នាំ២០១៨៕

ប្រភព៖ http://www.freshnewsasia.com/index.php/en/83959-2018-04-12-00-05-07.html