Nobokazu Kuriki វ័យ ៣៥ ឆ្នាំ ជនជាតិជប៉ុនដែលព្យាយាមឡើងលើកំពូលភ្នំ អេវឺរ៉េស ត្រូវបានរដ្ឋាភិបាលប្រទេសនេប៉ា់ល់ប្រកាសថាបានស្លាប់បាត់បង់ជីវិត ហើយ។

ក្តីស្រម៉ៃរបស់ Kuriki ដែលក្លាយទៅជាមនុស្សទី ៨ ដែលបានឡើងទៅដល់កំពូលភ្នំ អេវឺរ៉េស ដែលខ្ពស់ជាងគេនៅក្នុងពិភពលោកត្រូវបានរលាយទាំងស្រុង ក្រោយពីរដ្ឋាភិបាល នេប៉ាល់ បានរកឃើញសាកសពរបស់បុរសជប៉ុនម្នាក់នេះ នៅក្នុងតង់របស់លោកក្នុងតំបន់ភ្នំ អេវឺរ៉េស។

ជាមួយគ្នានេះដែរលោក Kuriki គឺជាជនរងគ្រោះទី ២ ដែលបានស្លាប់ ដោយសារតែការព្យាយាមឡើងទៅលើកំពូលភ្នំ អេវឺរ៉េស ខណៈដែលកាលពីថ្ងៃ អាទិត្យកន្លងទៅក៏មានជនជាតិ ម៉ាសេដូនីម្នាក់បានស្លាប់ផងដែរ។

យ៉ាងណាក្តីតាមរយៈរបាយការណ៍កន្លងមក កាលពីឆ្នាំ ២០១២ Kuriki បានបាត់បង់ម្រាមដៃចំនួន ៩ ម្តងរួចមកហើយក្នុងការព្យាយាមឡើងភ្នំ អេវឺរ៉េស ក៏ប៉ុន្តែបន្ទាប់ពីជាសះស្បើយពីមុខរបួសនៅក្នុងឆ្នាំ ២០១៥ លោកនៅតែព្យាយាមឡើងវាជាបន្ត ក៏ប៉ុន្តែជាអកុសលនៅក្នុងឆ្នាំ ២០១៨ លោកត្រូវបានរកឃើញថាស្លាប់បាត់បង់ជីវិតនៅក្នុងតង់របស់ខ្លួន៕