ក្មេងប្រុសដែលមានមុខមាត់គួរអោយស្រលាញ់ និង បានចូលរួមសម្ដែងក្នុងរឿង “ភ្លើងបុណ្យ” នាពេលនេះ ត្រូវបានក្រុមគ្រួសារជាពិសេសម្ដាយរបស់គេមានការព្រួយបារម្តយ៉ាងខ្លាំង ក្នុងការមើលថែ បន្ទាប់ពីរូបគេទទួលការវះកាត់ ដោយសារតែមានជម្ងឺមហារីកដ៏កាចសាហាវ ។​

យោងតាមសារព័ត៌មានរបស់ប្រទេសថៃបានឲ្យដឹងថា ឈ្មោះពិតរបស់ក្មេងប្រុសរូបនេះ គឺ Tarit Thunsom Sky ដែលមានអាយុ ២ ឆ្នាំ ៤ ខែ។ ស្ថានភាពជម្ងឺមហារីក បានធ្វើអោយក្មេងប្រុសរួបនេះមានអាការៈ ហើមភ្នែក ហើមជើង និងមិនអាចដើរបាន ហើយត្រូវរងចាំការតាមដានបន្តទៀតពីវេជ្ជបណ្ឌិត។

នៅក្នុងនោះផងដែរ គេសង្កេតឃើញថាម្ដាយរបស់ Sky ជាមនុស្សស្រ្តីម្នាក់ដែលរឹងមាំ ហើយលោកស្រីក៏បាននិយាយថា ជម្ងឺរបស់ Sky គឺមានសង្ឃឹមក្នុងការព្យាបាលអោយជាសះស្បើយបាន​ ប៉ុន្ដែត្រូវការពេលវេលាយូរហើយនិងត្រូវចំណាយប្រាក់ច្រើន។

លោកស្រីក៏បានធ្វើការអគុណដល់អ្នកគាំទ្រទាំងអស់ដែលបានយកចិត្តទុកដាក់ចំពោះ Sky និង​​តែងតែលើកទឹកចិត្តដល់លោកស្រី ។ លោកស្រីសង្ឃឹមថា​ Sky នឹងអាចប្រយុទ្ធយកឈ្នះពីជំងឺដល់កាចសាហាវមួយនេះ ហើយត្រឡប់មករស់នៅជួបជុំគ្រួសារដូចកាលពីមុន ។

គ្រាន់តែមើលវីឌីអូ Sky កំពុងបរិភោគបាយ ក៏អាណិតស្ទើរស្រក់ទឹកភ្នែកដែរ៖

ប្រភព៖ https://www.facebook.com/tarit.thunsomsg/