គ្មានមុខចៅក្រមចក្រភពអង់គ្លេសទៀតឡើយ នៅតុលាការយុត្តិធម៌អន្តរជាតិ ICJ

505 Views
November 21, 2017

អង្គការសហប្រជាជាតិៈ កាលពីថ្ងៃច័ន្ទទី ២០ ខែវិច្ឆិកា បន្ទាប់ពីការប្រណាំងប្រជែងយ៉ាងស្វិតស្វាញមួយដើម្បីទទួលបានអាសនៈមួយនៅតុលាការយុត្តិធម៌អន្តរជាតិចៅក្រមរបស់ចក្រភពអង់គ្លេសត្រូវបានដកចេញហើយអនុញ្ញាតឱ្យចៅក្រមមកពីប្រទេសឥណ្ឌាកាន់តំណែងនោះ។ ចាប់តាំងពីតុលាការយុត្តិធម៌អន្តរជាតិបានបង្កើតឡើងនៅឆ្នាំ ១៩៤៥ វាគឺជាលើកដំបូងបង្អស់ដែលមិនមានចៅក្រមជាជនជាតិអង់គ្លេស។

 

 

ការបោះឆ្នោតនេះបានក្លាយគឺជាការបោះឆ្នោះយ៉ាងស្វិតស្វែងរវាងបេក្ខជនរបស់ប្រទេសអង់គ្លេសលោកChristopher Greenwood​ដែលមានការគាំទ្រនៅក្នុងក្រុមប្រឹក្សាសន្តិសុខអង្គការសហប្រជាជាតិ និងចៅក្រមឥណ្ឌាលោក Dalveer Bhandariដែលបានឈ្នះការបោះឆ្នោតនៅមហាសន្និបាត។

 

 

ឯកអគ្គរាជទូតចក្រភពអង់គ្លេសលោក Matthew Rycroft បាននិយាយកាលពីថ្ងៃចន្ទថា “ចក្រភពអង់គ្លេសបានសន្និដ្ឋានថាវាជារឿងខុសឆ្គងដែលបន្តចំណាយពេលវេលាដ៏មានតម្លៃរបស់ក្រុមប្រឹក្សាសន្តិសុខនិងមហាសន្និបាតរបស់អង្គការសហប្រជាជាតិជាមួយការបោះឆ្នោតបន្ថែមទៀត” ។ “យើងមានការខកចិត្តប៉ុន្តែវាគឺជាការប្រកួតប្រជែងមួយដែលមានបេក្ខជនដ៏ខ្លាំងចំនួន ៦ នាក់” ។

 

 

អ្នកការទូតខ្លះបានចាត់ទុកថាចក្រភពអង់គ្លេសបរាជ័យក្នុងការប្រមូលផ្តុំការគាំទ្រសំរាប់បេក្ខជនរបស់ខ្លួននៅក្នុងមហាសន្និបាត។ ការបាត់បង់ឥទ្ធិពលបែបនេះអាចមកពីការសំរេចចិត្តរបស់ទីក្រុងឡុងដ៍ក្នុងការចាកចេញពីសហភាពអឺរ៉ុប។

ប្រភព៖ Channel News Asia

ដោយ៖ សំបូរ

Facebook Comment