របបថ្មីមួយនៅទួកគីដែលពិភពលោកមិនគួរមើលរំលង

83 Views
November 22, 2017

បន្ទាប់ពីប្រទេសតួកគីបានរួចរស់ជីវិតម្តងថ្មីទៀតពីការប៉ុនប៉ងធ្វើរដ្ឋប្រហារយោធាមួយនៅថ្ងៃទី ១៥ ខែកក្កដាឆ្នាំ២០១៦ នោះមកភ្លាមៗបន្ទាប់ពីការរើបម្រះនោះ រដ្ឋាភិបាលគណបក្សយុត្តិធម៍និងការអភិវឌ្ឍន៍ (AKP)ជាមួយប្រធានាធិបតីលោក Erdogan បានធ្វើការចាប់ខ្លួនមនុស្សជាច្រើននាក់​ ដោយមិនខ្វល់ថា​ ជាចាស់ជរា ស្ត្រីមាន​ផ្ទៃពោះ គ្រូបង្រៀន ឬជនស៊ីវិលទេ។ មនុស្សគ្រប់គ្នាអាចក្លាយជាជនរងគ្រោះដោយសារអំណាចដ៏ឃោរឃៅនេះ ដោយគ្រាន់តែត្រូវបានគេចោទប្រកាន់ថា​មានទំនាក់ទំនងជាមួយនឹងចលនា​ ហ្គូលែន។

 

 

នេះជារបបថ្មីមួយរបស់លោកប្រធានាធិបតី Erdoğan ដែលកំពុងធ្វើទុក្ខបុកម្នេញចំពោះប្រជាជនខ្លួនឯងទាំងនៅក្នុងប្រទេសទួកគី និងនៅក្រៅប្រទេស។​ ថ្មីៗនេះក្រុមគ្រួសារទួកគីមួយដែលមានសមាជិកចំនួន ៥ នាក់ត្រូវបានគេសង្ស័យថាលង់ទឹកស្លាប់នៅក្នុងសមុទ្រ Aegean ខណៈដែលពួកគេព្យាយាមរត់គេច ពីការធ្វើទុក្ខបុកម្នេញនៃរបបផ្ដាច់ការរបស់ប្រធានាធិបតីទួកគី Recep Tayyip Erdoğan។

 

 

ករណីផ្សេងទៀតដូចជា ការ​ចាប់ឃុំខ្លួនស្ត្រីដែលមានដែលទើបសម្រាលកូនរួចអោយជាប់ឃុំជាមួយកូនដែលទើបនឹងកើតរបស់ពួកគេ ការបិទសាលារៀននៅក្នុងប្រទេស និងក្រៅប្រទេស ការចាប់ខ្លួនគ្រូបង្រៀន ការបណ្តេញចេញ តុលាការ ប៉ូលីស និងជនស៊ីវិលជាច្រើននាក់ផ្សេងទៀត។ នេះជាផ្នែកមួយនៃយុទ្ធនាការជាប្រព័ន្ធរបស់រដ្ឋាភិបាលក្នុងការបំភិតបំភ័យ និងធ្វើទុក្ខបុកម្នេញអ្នករិះគន់ និងអ្នកប្រឆាំង។

 

 

មកដល់ពេលនេះមនុស្សជាង ១៥០,០០០ នាក់ត្រូវបានបាត់បង់ការងាររបស់ពួកគេ នឹងចំនួន ៥៥,០០០ ត្រូវបានចាប់សំរាប់ធ្វើការចោទសួរតាំងពី១៥ ខែកក្កដាឆ្នាំមុន។ អ្នកទាំងនោះមានដូចជាគ្រូបង្រៀន សិស្ស អ្នកនិពន្ធ និងអ្នកសារព័ត៌មាន៕

ដោយ៖ សំបូរ

Facebook Comment