Donald Trump ការពារតំណាងរាស្រ្តរបស់ខ្លួន បន្ទាប់ពីបទចោទប្រកាន់បៀតបៀនអនិតិជន

231 Views
November 22, 2017

លោកប្រធានាធិបតីសហរដ្ឋអាមេរិកបានបង្ហាញនូវការការពារលោក Roy Moore បេក្ខភាពតំណាងរាស្រ្តសហរដ្ឋសហរដ្ឋអាមេរិកនៅក្នុងតំបន់ Albama ដោយលើកឡើងថាបទចោទប្រកាន់លើការបៀតបៀនអនីតិជនលើលោក​Roy គឺមិនមានភស្តុតាងគ្រប់គ្រាន់។

 

 

ទោះបីជាយ៉ាងណាក៏ដោយការលើកឡើងលក្ខណៈការពារទៅកាន់លោក Roy Moore គឺផ្ទុយស្រឡះនឹងអ្វីដែលលោកប្រធានាធិបតីសហរដ្ឋអាមេរិកធ្លាប់លើកឡើងក្នុងសេតវិមានកាលពីដើមខែកន្លងមកនេះ ដោយបានចោទប្រកាន់ថាលោក Moore គឺជាប់ទាក់ទងនឹងរឿងអាស្រូវទាំងនោះ។

 

 

ខណៈពេលនេះតាមរយៈការស្ទាបស្ទង់ប្រជាមតិក្នុងការបោះឆ្នោតជ្រើសរើសតំណាងរាស្រ្តថ្មីនៅក្នុងតំបន់ Albama គឺលោក Doug Jones គឺកំពុងតែមានសម្លេងនាំមុខលោក Moore ដោយសម្លេង 47 ភាគរយ ទល់នឹង 42 ភាគរយ។

 

 

គួរបញ្ជាក់ថាលោក Roy Moore ត្រូវបានស្រ្តីចំនួន 7នាក់ចោទប្រកាន់លោកថាបានបៀតបៀនផ្លូវភេទកាលពីពួកគេនៅជាអនីតិជន ហើយតាមរយៈការរៀបរាប់របស់ពួកគេគឺបានចោទប្រកាន់លោក Moore ក្នុងស្ថានភាពដូចគ្នា ស្របពេលដែលការបោះឆ្នោតនឹងចូលមកដល់ក្នុងពេលឆាប់ៗ៕

ប្រភព៖ BBC

ដោយ៖ វិសាល

Facebook Comment