យោងតាមសារព័ត៌មាន Sputnik ដែលចុះផ្សាយកាលពីថ្ងៃទី ២១​ ខែវិច្ឆកា បានដឹងថា ទោះបីជាលោក Trump បានប្រកាសថាកូរ៉េខាងជើងគឺជាអ្នកឧបត្ថម្ភពួកភេរវកម្មកាលពីថ្ងៃចន្ទ ព្រមទាំងការដាក់ទណ្ឌកម្មកាលពីថ្ងៃអង្គារក្តី ក៏ក្រុមអ្នកវិភាគនយោបាយនៅតែលើកឡើងថាសហរដ្ឋអាមេរិកនៅតែមានជម្រើសការទូតជាច្រើនដើម្បីកាត់បន្ថយអំណាចរបស់រដ្ឋមួយនេះ។

លោក Bruce Klingner អ្នកស្រាវជ្រាវម្នាក់នៅមូលនិធិបេតិកភ័ណ្ឌបានប្រាប់កាសែត Korea Times កាលពីថ្ងៃទី ១៦ ខែវិច្ឆិកាថា លោកប្រធានាធិបតីអាមេរិក Trump អាចនឹងបង្កើនការដាក់ទណ្ឌកម្មបន្ថែមទៀតទៅលើកូរ៉េខាងជើង។

លោក Klingner បានបន្ថែមទៀតថា “ប្រសិនបើអ្នកនិយាយទៅកាន់មនុស្សនៅដែលកំពុងធ្វើរការក្នុងរដ្ឋាភិបាលបច្ចុប្បន្ន និងអតីតដែលបានធ្វើការលើការដាក់ទណ្ឌកម្ម (ប្រឆាំងនឹងកូរ៉េខាងជើង) ពួកគេនឹងប្រាប់អ្នកអស់រយៈពេលជាច្រើនឆ្នាំហើយដែលពួកគេមានប្រទេសចិន និងអង្គភាពផ្សេងទៀតដែលយើងអាចដាក់ទណ្ឌកម្មនៅថ្ងៃនេះ ប៉ុន្តែយើងត្រូវបានរារាំងពីការធ្វើដូច្នេះដោយអ្នកបង្កើតគោលនយោបាយជាន់ខ្ពស់” ។

អ្នកជំនាញបានយល់ស្របជាមួយនឹងការផ្លាស់ប្តូររបស់រដ្ឋាភិបាលសហរដ្ឋអាមេរិកដើម្បីចាត់តាំងក្រុងព្យុងយ៉ាងជាអ្នកឧបត្ថម្ភពួកភេរវកម្មដោយយល់ឃើញថាវានឹងជួយធ្វើអោយកូរ៉េខាងជើងឃ្លាតឆ្ងាយពីប្រទេសដ៏ទៃខាងផ្នែកការទូត និងផ្នែកហិរញ្ញវត្ថុ។

ប្រភព៖ Sputnik

ដោយ៖ សំបូរ