នាវាមុជទឹកនុយក្លេអ៊ែរអាមេរិកចូលចតនៅកំពង់ផែកូរ៉េខាងត្បូងជាការគំរាមកូរ៉េខាងជើង

143 Views
November 23, 2017

កាលពីថ្ងៃពុធ នាវាមុជទឹក USS Mississippi ដែលជានាវាមុជទឹកដែលមានល្បឿនលឿនប្រើថាមពលនុយក្លេអ៊ែរបានឈប់នៅឯកោះ Jeju ភាគខាងត្បូងប្រទេសកូរ៉េខាងត្បូងដែលជាផ្នែកមួយនៃការព្រមានជាបន្តបន្ទាប់ទៅកាន់ក្រុងព្យុងយ៉ាង នេះបើយោងតាមការរាយការណ៍របស់សារព័ត៌មាន Yonhap ។

លោក Brad Cooper មេបញ្ជាការកងទ័ពជើងទឹកអាមេរិកបាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា កងនាវាចរអាម៉េរិក និងកូរ៉េខាងត្បូង “គឺមានការចែករំលែកនូវភាពជាដៃគូដ៏រឹងមាំដែលបានពង្រឹងជាបន្តបន្ទាប់តាមរយៈការធ្វើទំនាក់ទំនងគ្នាជាទៀងទាត់ដែលលើកកម្ពស់និងជំរុញទំនាក់ទំនងរបស់យើង»។

មន្រ្តីបញ្ជាការនៃនាវា USS Mississippi លោក Eric J. Rozek បាននិយាយថាក្រុមរបស់គាត់ដែលមាននាវិកប្រហែល ១៥០ នាក់ “ត្រូវបានគេអោយកិត្តិយសថាជានាវាមុជទឹកដំបូងគេដែលបានមកទស្សនានៅកោះ Jeju នេះ”។

ប្រភព៖sputniknews

ដោយ៖ សំបូរ

Facebook Comment