បន្ទាប់ពីមានការបណ្តេញចេញពីតំណែង និងភៀសខ្លួនទៅក្រៅប្រទេស អតីតអនុប្រធានាធិបតីនៃប្រទេសស៊ីមបាវ៉េនឹងត្រូវត្រលប់មកកាន់ប្រទេសរបស់ខ្លួនវិញដើម្បីកាន់កាប់តំនែងជាប្រធានាធិបតីប្រទេសស៊ីមបាវ៉េជំនួសលោក Robert Mugabe។

លោក Emmerson Mnangagwa ដែលត្រូវបានគេដាក់រហ័សនាមថា “ក្រពើ” កំឡុងពេលលោករត់ភៀសខ្លួនទៅក្រៅប្រទេស នឹងត្រូវត្រលប់មកកាន់ជាប្រធានគណបក្ស Zanu-PF ដើម្បីស្នងតំណែងជាប្រធានាធិបតីជាមួយនឹងសម្រែកនៃការគាំទ្របីប្រជាជនរាប់ពាន់នាក់។

យ៉ាងណាមិញមុននឹងឈានចូលមកកាន់តំណែងជាប្រធានាធិបតីជំនួសលោក Mugabe អតីតអនុប្រធានាធិបតីរូបនេះបានបញ្ជាក់ថា លោកត្រូវតែទទួលបានការធានាអំពីសុខសុវត្ថិភាព ប្រសិនណាជាគ្មានការធានានោះទេ លោក Mnangagwa ក៏មិនហ៊ានត្រលប់មកកាន់ប្រទេសវិញដែរ។

គួរបញ្ជាក់ថាបន្ទាប់ពីលោកMugabe អតីតប្រធានាធិតីចាស់បានលាលែងពីតំណែង ក្រោយទទួលគំនាបពីយោធា លោក Mnangagwa គឺជាបេក្ខភាពនៃគណបក្ស​Zanu ដែលនឹងត្រូវបន្តតំណែងនេះ៕

ដោយ៖ វិសាល

ប្រភព៖ CROSSROADS TODAY