អតីតយុទ្ធជនអនាថាម្នាក់បានជួយស្ត្រីវ័យក្មេងម្នាក់ដែលជាប់នៅលើផ្លូវជាតិក្បែរទីក្រុង Philadelphia ដោយទិញឧស្ម័នហ្គាស់អោយនាងជាមួយនឹងលុយ ២០ ដុល្លារចុងក្រោយរបស់គាត់។ នាងបានអោយលុយឱ្យគាត់ច្រើនជាងការអរគុណទៅទៀត។

បុរសអនាថាម្នាក់ឈ្មោះ Johnny Bobbitt អាយុ ៣៤ ឆ្នាំបានផ្តល់ជំនួយដើម្បីជួយដល់នាង Kate McClure ហើយបានទៅតិញឧស្ម័នហ្គាស់សម្រាប់រថយន្តរបស់នាងដែលចំណាយប្រាក់ដែលគាត់នៅសល់ចុងក្រោយរបស់គាត់។

នៅលើទំព័ររៃអង្គាសប្រាក់របស់នាង Kate McClure ដែលមានអាយុ ២៧ ឆ្នាំនោះបានសរសេរថានាងបានជាប់នៅលើផ្លូវជាតិក្បែរទីក្រុង Philadelphia នៅយប់មួយនៅពេលដែលរថយន្តរបស់នាងអស់ឧស្ម័នហ្គាស់។ វាងងឹតហើយនាងនៅតែម្នាក់ឯងទៀត នៅពេលភ្លាមៗនោះនាងបានឃើញបុរសម្នាក់ដើរមកជិតរថយន្តរបស់នាង។

នាង McClure បានសរសេរថា ” Johnny អង្គុយនៅលើផ្លូវជារៀងរាល់ថ្ងៃដោយកាន់សញ្ញាមួយ។ គាត់បានឃើញខ្ញុំឈប់ ហើយក៏ស្ទុះដោយដឹងថាអ្វីមួយមិនប្រក្រតី។ សារព័ត៌មាន ABC News បានរាយការណ៍ថា “គាត់បានប្រាប់ខ្ញុំឱ្យត្រលប់ទៅឡានវិញហើយចាក់សោរទ្វារ។ ប៉ុន្មាននាទីក្រោយមកគាត់ត្រលប់មកវិញជាមួយនឹងឧស្ម័នក្រហម” ។

ក្រោយមក Kate បានវិលត្រលប់មកអរគុណគាត់ដោយនាំយកអំណោយមកអោយគាត់។ ប៉ុន្តែនៅពេលដែលនាងបានដឹងថា Johnny គឺជាអតីតទាហានម៉ារីន និងជាអតីតអ្នកពន្លត់អគ្គីភ័យនាងមានអារម្មណ៍ថាត្រូវតែជួយគាត់អោយត្រលប់មកវិញ។

នាងបានចាប់ផ្តើមជាមួយនិងគេហៈទំព័រ GoFundMe ដើម្បីចែករំលែករឿងរ៉ាវ និងបង្កើនមូលនិធិសម្រាប់ Johnny ។ រហូតមកដល់ពេលនេះគេហៈទំព័រនេះបានរៃអង្គាសប្រាក់ចំនួន ១៦០.០០០ ដុល្លារដែលច្រើនជាងគោលដៅដែលនាងចង់បានត្រឹមតែ ១០.០០០ ដុល្លារបុណ្ណោះ។

ប្រភព៖ sputniknews