កាលពីថ្ងៃសុក្រម្សិលមិញមានការវាយប្រហារមួយមកលើកងកម្លាំងរក្សាសន្តិសុខអង្គការសហប្រជាជាតិកំពុងតែប្រតិបត្តិការជាមួយកងកម្លាំងប្រទេសម៉ាលី ដែលបានសម្លាប់អ្នករក្សាសន្តិភាពយ៉ាងហោចណាស់ចំនួនបីនាក់មកពីប្រទេស Niger និងទាហានម៉ាលីម្នាក់ ហើយវាក៏បានធ្វើឱ្យទាហានចំនួន ១៤ នាក់ និងជនស៊ីវិលម្នាក់ទទួលរងរបួសផងដែរ នេះបើរតាមការរាយការណ៏របស់ក្រុមអាជ្ញាធរអង្គការសហប្រជាជាតិ និងក្រុមប្រឹក្សាសន្តិសុខបង្ហាញ។

យ៉ាងណាមិញនៅក្នុងចំណោមទាហានរងរបួសទាំង​ 14 នាក់ ក៏មានវត្តមានកងកម្លាំងមួកខៀវម្នាក់របស់កម្ពុជាផងដែរដែលទទួលរងរបួស។ តាមរយៈរបាយការណ៍ទីតាំងដែលកើតហេតុគឺស្ថិតនៅក្នុងតំបន់ Indelimane ចម្ងាយប្រហែល ៧០ គីឡូម៉ែត្រភាគខាងលិចនៃ Menaka ជិតព្រំដែនជាមួយប្រទេស Niger ។

មិនមានការទទួលខុសត្រូវណាមួយពីការវាយប្រហារនោះទេ ទោះបីមានការដាក់សង្ស័យទៅលើក្រុមភេរវករនៅក្នុងក្រុម Sahel គឺជាក្រុមដែលសកម្មនៅក្នុងតំបន់នោះក៏ដោយ។ ពួកក្រុមជ្រុលនិយមត្រូវបានគេជឿថាគឺនៅពីក្រោយការវាយឆ្មក់លើកងកម្លាំងអង្គការសហប្រជាជាតិ។

បន្ទាប់ពីការវាយប្រហារអង្គការសហប្រជាជាតិបាននិយាយថាបេសកកម្មនៅម៉ាលីបានដាក់ឧទ្ធម្ភាគចក្រចំនួន ៣ ដើម្បីជម្លៀសកងរក្សាសន្តិភាពដែលរងរបួស ១៤ និង១៣ នាក់ទៀតមកពីប្រទេស Niger និងម្នាក់មកពីកម្ពុជាក៏ដូចជាអ្នកបំរើការស៊ីវិលរបស់អង្គការសហប្រជាជាតិផងដែរ៕

ប្រភព៖ CTV News

ដោយ៖ សំបូរ