កាលពីយប់ថ្ងៃអាទិត្យ សម្តេចប៉ាប Francis បានចាកចេញពីទីក្រុងរ៉ូមហើយនឹងក្លាយជាPope ដំបូងគេបង្អស់ដែលធ្វើទស្សនកិច្ចនៅមីយ៉ាន់ម៉ា។ សម្ដេចប៉ាបបានប្រកាសពីអំពើហឹង្សាប្រឆាំងនឹងជនជាតិរ៉ូហ៊ីងយ៉ាកាលពីមុនដោយហៅពួកគេថាជាបងប្អូនប្រុសស្រីរបស់គាត់។

អ្នកជំនាញព្រមានថាការធ្វើដំណើរនេះនឹងតម្រូវឱ្យមានតុល្យភាពរវាងបញ្ហាមនុស្សធម៌ ការទូត និងសាសនាដែលមានភាពស្មុគស្មាញ។ សូម្បីតែសង្ឃរាជជាន់ខ្ពស់ផ្ទាល់របស់គាត់ក៏បានណែនាំដើម្បីចៀសឱ្យឆ្ងាយពីពាក្យ Rohingya ដែលខ្លាចថាវាអាចរារាំងគាត់ពីការផ្សះផ្សាមួយនេះមុននិងវាបានចាប់ផ្តើមទៅទៀត។

លោក Aaron Connelly អ្នកស្រាវជ្រាវនៅវិទ្យាស្ថាន Lowy របស់អូស្ត្រាលីបានប្រាប់ទូរទស្សន៍ CNN ថាមានឱកាសតិចតួចណាស់ដែលដំណើរទស្សនកិច្ចរបស់លោក Pope ទៅកាន់ប្រទេសមីយ៉ាន់ម៉ានឹងក្លាយជា​”ដំណើរទស្សនកិច្ចរបស់Pope” ។ លោកបានបន្ថែមទៀតថា “ច្បាស់ណាស់អ្វីដែលជំរុញក្នុងដំណើរទស្សនកិច្ចនេះគឺជាការចង់និយាយអំពីជនជាតិរ៉ូហ៊ីងយ៉ា” ។

គួរបញ្ជាក់ផងដែរថា ជនភៀសខ្លួនរ៉ូហ៊ីងយ៉ាជាង ៦២៣.០០០ នាក់បានភៀសខ្លួនឆ្លងព្រំដែនទៅកាន់ប្រទេសបង់ក្លាដេសចាប់តាំងពីថ្ងៃទី ២៥ ខែសីហានៅពេលដែលការផ្ទុះឡើងនៃការប្រយុទ្ធគ្នាថ្មីរវាងយោធាមីយ៉ាន់ម៉ា និងពួកសកម្មប្រយុទ្ធប្រដាប់អាវុធនៅរដ្ឋរ៉ាក់ឃីនដែលជាតំបន់ក្រីក្រនៅភាគខាងលិចប្រទេសមីយ៉ាន់ម៉ា។

ប្រភព៖ cnn