បុរសឈ្មោះ Maksud Khan ជនជាតិឥណ្ឌា បានទៅកាន់មន្ទីរពេទ្យភ្លាមៗ បន្ទាបពីមានអាការៈឈឺពោះខុសពីធម្មតា ហើយសង្ស័យថាពុលចំណីអាហារ។

ប៉ុន្ដែលទ្ធផល មិនមែនជាការពុលអាហារអ្វីនោះទេ។ ក្រុមគ្រូពេទ្យវះកាត់បានថតឆ្លុះ ក៏ឃើញមានវត្ថុលោហៈប្លែកៗជាច្រើននៅក្នុងពោះរបស់បុរសនោះ។

របស់ដែលគ្រូពេទ្យវះកាត់បាន មានទម្ងន់សរុប៧គីឡូក្រាម។ អ្វីដែលមិនគួរឲ្យជឿគឺមាន កាក់ចំនួន២៦៣ ដែកគោល១០០ និង ផ្លែឡាម ជាច្រើន។

គ្រូពេទ្យនិយាយថា ពួកគាត់ភ្ញាក់ផ្អើលខ្លាំងណាស់ នេះជាលើកទីមួយនៅក្នុងអាជីពដែលបានឃើញរឿងបែបនេះ។

គួរបញ្ជាក់ថា បុរសនោះមានជម្ងឺធ្លាក់ទឹកចិត្ត ហើយគាត់មានទម្លាប់បរិភាគរបស់ចម្លែកៗដែលសុទ្ធតែលោហៈដូច្នេះ៕

ប្រភព៖ metro