កងកម្លាំងអាកាសរបស់សហរដ្ឋអាមេរិកបានសម្តែងការមិនពេញចិត្តចំពោះទង្វើរបស់កងកម្លាំងអាកាសរុស្ស៊ី បន្ទាប់ពីយន្តហោះចម្បាំងរបស់ខ្លួនត្រូវបានរាំងស្កាត់ដោយកងកម្លាំងរុស្ស៊ីនៅក្នុងតំបន់សមុទ្រខ្មៅ។

តាមរយៈការអះអាងរបស់មេបញ្ជាការអាកាសសហរដ្ឋអាមេរិក Michelle Baldanza បញ្ជាក់ថា៖ “កងកម្លាំងអាកាសសហរដ្ឋអាមេរិកគឺស្របទនឹងច្បាប់ ហើយជាពិសេសការហោះហើរនៅក្នុងតំបន់សមុទ្រខ្មៅគឺស្ថិតនៅក្នុងដែនអាកាសអន្តរជាតិមិនបានបំពានរុស្ស៊ីឡើយ”។

ជាមួយគ្នានេះដែរមេបញ្ជាការដដែលបានចាត់ទុកថាការរាំងស្កាត់យន្តហោះសហរដ្ឋអាមេរិកពីសំណាក់រុស្ស៊ីគឺជាសកម្មភាពដែលបង្ករជម្លោះ និងបង្ករការភ័យខ្លាចដែលនាំឲ្យមានការប៉ះទង្គិច។

ទោះបីជាយ៉ាងណាក៏ដោយប្រទេសរុស្ស៊ីជារឿយៗតែងតែសម្តែងការមិនពេញចិត្តចំពោះការរៀបចំសមយុទ្ធរបស់សម្ព័ន្ធមិត្ត ណាតូ ដោយក្នុងនោះក៏មានវត្តមានសហរដ្ឋអាមេរិកផងដែរនៅក្នុងតំបនប់សមុទ្រខ្មៅ ដោយទីក្រុងក្រឹមឡាំងចាត់ទុកថាជាគឺជាការបង្ករជម្លោះ៕

ដោយ៖ វិសាល

ប្រភព៖ cnn