ទ័ពអាកាសអាមេរិកអះអាងយន្តហោះចម្បាំង F-22 គ្មានបញ្ហាក្នុងសមយុទ្ធជាមួយកូរ៉េខាងត្បូង

551 Views
December 6, 2017

កាលពីថ្ងៃអង្គារម្សិលមិញ កងយោធាអាកាស ទី ៧សហរដ្ឋអាមេរិក និយាយថា យន្តហោះ F-22 Raptor របស់ខ្លួនមិនមានបញ្ហាអ្វីនោះទេ កំឡុងពេលធ្វើសមយុទ្ធ ស្របពេលគេបានឃើញថា វាហាក់ដូចជាមានបញ្ហាចេញពីផ្លូវរត់កាលពីម្សិលមិញ។
យន្តហោះ F-22 បានចូលរួមនៅក្នុងសមយុទ្ធ Vigilant Ace ដែលជាសមយុទ្ធយោធារួម រវាងកងកម្លាំងទ័ពអាកាសអាមេរិក និងកូរ៉េខាងត្បូងដែលមានយន្តហោះជាង ២៣០ គ្រឿង។

យ៉ាងណាមិញនៅពេលបញ្ចប់ការហោះហើរចម្ងាយប្រហែល ១៧០ ម៉ាយ ពីទីក្រុងសេអ៊ូល យន្តហោះនេះត្រូវបានគេយកចេញពីផ្លូវរត់ហើយដាក់ចូលទៅក្នុងឃ្លាំង។

គួរបញ្ជាក់ថា យន្តហោះ F-22 Raptors ចំនួនបីគ្រឿងផ្សេងទៀត ត្រូវបានក្រុមបច្ចេកទេស ធ្វើការត្រួតពិនិត្យជាការប្រុងប្រយ័ត្នបន្ទាប់ពីបញ្ហាបានកើតឡើង ហើយក្នុងនោះលោកវរសេនីយ៍ឯក Jennifer Lovett អ្នកនាំពាក្យរបស់កងទ័ពអាកាសអាមេរិកបានប្រាប់ Stars and Stripes តាមរយៈអ៊ីមែលថា ” គេបានត្រួតពិនិត្យមើលយន្តហោះអស់ហើយប៉ុន្តែវាគ្មានអ្វីខុសនោទេ “។

ប្រភព៖ sputniknews

Facebook Comment

Related Articles