បុរសជនជាតិអាមេរិកាំងម្នាក់ដែលមានឈ្មោះថា Michael Wolfe ត្រូវបានតុលាការក្នុងរដ្ឋ Florida កាត់ទោសឲ្យជាប់ពន្ធធនាគារចំនួន​15 ឆ្នាំ បន្ទាប់ពីរូបគេបានជាប់ពាក់ព័ន្ធនឹងការបំផ្លិចបំផ្លាញទ្រព្យសម្បត្តិក្នុងព្រះវិហាអ្នកកាន់សានាឥស្លាមមួយកន្លែងដែលមានទីតាំងស្ថិតនៅភាគកណ្តាលរដ្ឋ Florida ។

ហេតុការណ៍បំផ្លិចបំផ្លាញនេះគឺបានកើតឡើងតាំងតែពីឆ្នាំ 2015 មកម្លេះ ដោយជនអគតិខាងលើបានលួចចូលទៅក្នុងព្រះវិហារធ្វើសកម្មភាពបំផ្លិចបំផ្លាញ ហើយជាពិសេសរូបគេថែមទាំងយកសាច់ជ្រូកដែលសាសនាឥស្លាមដាក់បម្រាមគប់ចូលកន្លែងប្រតិបត្តិជំនឿថែមទៀត។

យ៉ាងណាមិញបន្ទាប់ពីធ្វើសកម្មភាពបំផ្លិចបំផ្លាញរួច Michael បានរត់គេចខ្លួនដោយគិតថាមិនមាននរណាម្នាក់បានដឹងអំពីសកម្មភាពដ៏អាក្រក់របស់គេឡើយ ក៏ប៉ុន្តែជាសំណាងអាក្រក់សកម្មភាពទាំងនោះត្រូវបានផ្តិតយកគ្មានចន្លោះនៅក្នុងកាមេរ៉ាសុវត្ថិភាពដែលបំពាក់នៅក្នុង និងខាងក្រៅព្រះវិហារ។

គួរបញ្ជាក់ថាជនជាតិអាមេរិកាំងភាគច្រើនបានហៅទង្វើរបស់ Michael ជាសកម្មភាពរើសអើងផ្នែកសាសនាយ៉ាងធ្ងន់ធ្ងរ ដោយក្នុងនោះវាក៏អាចបណ្តាលទៅជាទង្វើរនាំមកនូវជម្លោះផ្នែកសាសនាយ៉ាងធ្ងន់ធ្ងរ៕

ប្រភព៖ sputniknews

ដោយ៖ វិសាល