សម្តេច ហ៊ុន សែន​ស្នើឲ្យពលរដ្ឋខ្មែរកុំប្រថុយគ្រោះថ្នាក់ទៅនៅអាមេរិក

463 Views
December 8, 2017

សម្តេចនាយករដ្ឋមន្ត្រីហ៊ុន សែន​បានអំពាវនាវឲ្យប្រពលរដ្ឋកម្ពុជាថា កុំឲ្យប្រថុយគ្រោះ ថ្នាក់ទៅនៅសហរដ្ឋអាមេរិក​ បន្ទាប់ពីលោកថ្លែងបញ្ជាក់ជំហរត្រៀមទទួលយកពលរដ្ឋ ខ្មែរ ដែលជាប់ទោសពីអាមេរិកមកកម្ពុជាវិញ។

នៅក្នុងពិធីជួបកម្មករកាលពីថ្ងៃពុធម្សិលមិញ សម្តេចនាយករដ្ឋមន្ត្រីហ៊ុន សែន លើកឡើងថា សម្តេចកំពុងតែពិភាក្សាជាមួយរដ្ឋមន្ត្រីក្រសួងមហាផ្ទៃដើម្បីរៀបចំកិច្ចព្រមព្រៀងថ្មី ទទួលយក ពលរដ្ឋកម្ពុជាដែលជាប់ទោសនៅអាមេរិក​ឲ្យមកស្រុកកំណើតវិញ។​

ក្នុងឱកាសនោះលោកក៏បានអំពាវនាវឲ្យប្រជាពលរដ្ឋប្រុងប្រយ័ត្នចំពោះការទៅរស់នៅសហរដ្ឋអាមេរិក។​ សម្តេចថ្លែងថា៖« សុំផ្តាំទៅបងប្អូនទៅនៅអាមេរិក ហើយបងប្អូនដែលមិនទាន់ ទៅសុំកុំប្រថុយប្រថានដំណើរដ៏ក្រោះថ្នាក់ទៅនៅអាមេរិក»

ប៉ុន្មានខែកន្លងទៅនេះ សហរដ្ឋអាមេរិក​បានសម្រេច មិនអនុញ្ញាតឲ្យមន្ត្រីជាន់ខ្ពស់ របស់ រដ្ឋាភិបាលកម្ពុជានៅក្នុងក្រសួងការបរទេសមិនឲ្យចូលទឹកដីអាមេរិកបន្ទាប់ពីរដ្ឋាភិបាលទាំងពីរ មានការខ្វែងគំនិតគ្នាចំពោះ ការបញ្ជូនពលរដ្ឋខ្មែរដែលបានប្រព្រឹត្តបទឧក្រិដ្ឋឲ្យវិលត្រលប់ មកស្រុកកំណើតវិញ។​

ប្រភព៖ vod

Facebook Comment

Related Articles