អបអរសាទរ យុវសិស្សតំណាងកម្ពុជាទទួលបានមេដាយក្នុងការប្រជែងលើឆាកអន្តរជាតិ

364 Views
December 12, 2017

បើយោងតាមទំព័រផ្លូវការរបស់ក្រសួងអប់រំយុវជន និងកីឡាបានបញ្ជាក់ថា យុវសិស្សឈ្មោះ ប៊ុនថន ចរិយាតំណាងឲ្យកម្ពុជា បានទទួលមេដាយសំរិទ្ធក្នុងការប្រកួតប្រជែងអ្នកវិទ្យាសាស្ត្រវ័យក្មេង អូឡាំព្យាដ អន្តរជាតិលើកទី១៤ (The 14th International Junior Science Olympiad-IJSO)​​ នៅប្រទេសហូឡង់។

តាមរយៈប្រភពដដែលបានបញ្ជាក់ថា យុវតីដែលតំណាងកម្ពុជា និងទទួលបានមេដាយគឺមានប្រភពចេញមកពីវិទ្យាល័យព្រះបាទសុរាម្រឹត ខេត្តកំពង់ឆ្នាំង ក្នុងចំណោមបេក្ខជនដែលមានអាយុ 16 ឆ្នាំ ចំនួន 300 នាក់ផ្សេងទៀតដែលមកពីបណ្តាប្រទេសចំនួន 50។

គួរបញ្ជាក់ថាក្រសួងអប់រំយុវជន និងកីឡាបានធ្វើការបញ្ជូនគ្រូដឹកនាំ 3 នាក់ អ្នកអង្កេតការណ៍ ម្នាក់ និងយុវសិស្សចំនួន 6 នាក់ដើម្បីចូលរួមប្រកួតប្រជែង ហើយជាលទ្ធផលគឺយុវសិស្សតំណាងកម្ពុជាបានបង្ហាញសមត្ថភាពយ៉ាងអស្ចារ្យដើម្បីទទួលបានមេដាយជូនជាតិ៕

 

 

ដោយ៖ វិសាល

 

 

Facebook Comment

Related Articles