កាលពីថ្ងៃច័ន្ទកន្លងមកនេះយន្តហោះចម្បាំងទម្លាក់គ្រាប់របស់ប្រទេសចិន H-6K Su-30 និង J-11 ត្រូវបានគេរាយការណ៍ថាធ្វើការហោះហើរក្រឡឹងនៅក្នុងតំបន់កោះតៃវ៉ាន់។

តាមការបញ្ជាក់របស់សារព័ត៌មាន China Daily បានឲ្យដឹងថាការហោះហើរក្រឡឹងនៅក្នុងតំបន់កោះតៃវ៉ាន់គឺកងកម្លាំងនៃប្រទេសចិនបានរៀចចំធ្វើឡើងនូវសមយុទ្ធអាកាសមួយដើម្បីពង្រឹងលើសមត្ថភាពកងកម្លាំងក្នុងការការពារដែនអាកាស។

យ៉ាងណាមិញជារឿយៗកងកម្លាំងប្រទេសចិនតែងតែរៀបចំសមយុទ្ធនៅក្បែរនឹងព្រំដែនកោះតៃវ៉ាន់ បន្ទាប់ពីដែនកោះមួយនេះបានបង្ហាញពីទំនាក់ទំនងយ៉ាងស្អិតរមួតជាមួយនឹងសហរដ្ឋអាមេរិក ហើយជាពិសេសកន្លងមកជារឿយៗដែនកោះមួយនេះតែងតែទាមទារឯករាជ្យពេញលេញពីប្រទេសចិនផងដែរ៕

ដោយ៖ វិសាល

ប្រភព៖ sputniknews