ពាក្យសម្តីរបស់អគ្គលេខាជាតិអាមេរិក Rex Tilerson ដែលប្រកាសក្តែងៗស្វែងរកការចរចារជាមួយនឹងប្រទេសកូរ៉េខាងជើងកំពុងតែក្លាយទៅជាចម្ងល់សម្រាប់អន្តរជាតិ បន្ទាប់ពីសេតវិមានសហរដ្ឋអាមេរិកបានបានចេញលិខិតប្រកាសថាបញ្ជាក់ជំហរថាលុះត្រាណាតែកូរ៉េខាងជើងបោះបង់កម្មវិធីនុយក្លេអ៊ែររបស់ខ្លួនជាមុនសិន។

យ៉ាងណាមិញកាលពីថ្ងៃអង្គារកន្លងមកនេះនៅក្នុងកិច្ចប្រជុំដែលធ្វើឡើងនៅក្នុងទីក្រុង វ៉ាស៊ីនតោន អគ្គលេខាជាតិអាមេរិកបាននិយាយទៅកាន់អ្នកចូលរួមថា៖ “ពួកយើងបញ្ជាក់ថាផ្នែកការទូតគឺបានត្រៀមរួចរាល់ហើយសម្រាប់ចរចារជាមួយប្រទេសកូរ៉េខាងជើង ហើយពួកយើងក៏ត្រៀមរួចរាល់សម្រាប់កិច្ចពិភាក្សាជាលើកដំបូងដោយមិនមានលក្ខខណ្ឌជាមុន”។

ទោះបីជាយ៉ាងណាក៏ដោយការបង្ហាញជំហររបស់អគ្គលេខាជាតិអាមេរិក ជាមួយនឹងសេតវិមានគឺហាក់មានភាពខ្វែងគំនិតគ្នាលើបញ្ហាប្រទេសកូរ៉េខាងជើង ហើយជាមួយគ្នាដែរកាលពីពេលថ្មីៗនេះលោកប្រធានាធិបតីសហរដ្ឋអាមេរិកក៏ធ្លាប់បានសរសេរនៅលើបណ្តាញសង្គម Twitter រិះគន់លើការបង្ហាញជំហរចរចាររបស់លោក Rex Tillerson ផងដែរ៕

ដោយ៖ វិសាល

ប្រភព៖ bbc