ការថតរូប selfie កម្សាន្ដ គឺជារឿងគួរឲ្យសប្បាយរីករាយ ប៉ុន្ដែយើងមិនត្រូវវក់នឹងការថត ដោយភ្លេចគិតពីគ្រោះថ្នាក់នៅជុំវិញខ្លួននោះទេ។

ជាក់ស្ដែង យុវតីជនជាតិឥណ្ឌូនេស៊ីម្នាក់ បានដើរលេងនិងថតរូបជាមួយមិត្តភក្ដិមួយក្រុម នៅម្ដុំផ្លូវរថភ្លើង។ កំពុងតែថត ញញឹមផង ធ្វើស្ទីលឃ្ចូតផង ស្រាប់តែរថភ្លើងកំពុងធ្វើដំណើរមកពីក្រោយ បុកយុវតីនោះ ឲ្យខ្ទាតជាច្រើនម៉ែត្រ យ៉ាងគួរឲ្យរន្ធត់!

គ្រោះថ្នាក់នេះ បានធ្វើឲ្យក្បាលរបស់នាងបោកនឹងស៊ីម៉ង់ ហើយហូរឈាមជាទម្ងន់។ នាងត្រូវបានបញ្ជូនទៅកាន់មន្ទីរពេទ្យ និង ធ្វើការវះកាត់ដើម្បីឃាត់ឈាម។

ពេលនេះនាងនៅក្នុងបន្ទប់សង្រ្គោះបន្ទាន់នៅឡើយ ចំណែកស្ថានភាពរបស់នាងបានស្រាកស្រាន្ដខ្លះៗហើយ៕

ដោយ៖ Mago

ប្រភព៖ worldofbuzz