អស់ពីរងារ បន្តិចទៀតឥទ្ធិពលខ្យល់ព្យុះនឹងបង្ករជាភ្លៀងទៀត

889 Views
December 21, 2017

បន្ទាប់ពីទទួលរងនូវសម្ពាធទាបដែលបង្ករទៅជាលក្ខណៈរងារខ្លាំងក្នុងតំបន់នានាក្នុងប្រទេសកម្ពុជា នាមុននេះបន្តិច ក្រសួងធនធានទឹក និងឧតុនិយមបានប្រកាសថាចាប់ពីថ្ងៃទី២៦-២៨ ខែធ្នូ ឆ្នាំ២០១៧ ព្រះរាជាណាចក្រកម្ពុជា នឹងទទួលរងឥទ្ធិពលពីព្យុះទី២៧ ឈ្មោះ តឹម ប៊ីន (TEMBIN) ដោយបង្កឱ្យមានពពកច្រើនដេរដាស មានភ្លៀងធ្លាក់រាយប៉ាយពីមធ្យមទៅច្រើន ក្នុងក្របខណ្ឌស្ទើរទូទាំងប្រទេស ពិសេសតាមបណ្តាខេត្តជាប់បណ្តោយព្រំដែនកម្ពុជា-វៀតណាម។

 

 

 

តំបន់មាត់សមុទ្រ និងនៅលើផ្ទៃសមុទ្រ ផ្ទៃមេឃមានពពកច្រើនដេរដាស មានភ្លៀងធ្លាក់ ពីបង្គួរទៅច្រើន មានខ្យល់បក់បោកខ្លាំង រលកសមុទ្រមានកម្ពស់ខ្ពស់ៗ។

 

 

 

 


ដំណឹងនៃសេចក្តីប្រកាសនេះគឺជាការអំពាវនាវដល់បងប្អូនប្រជាពលរដ្ឋ ពិសេសប្រជានេសាទ និងអ្នកធ្វើដំណើរតាមសមុទ្រ បង្កើនការយកចិត្តទុកដាក់ខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕

 

 

ប្រភព៖ ក្រសួងធនធានទឹក និងឧតុនិយម

 

ដោយ៖ ចាន់ សុផល

Facebook Comment

Related Articles