តារាកំពុងតែឡើងកូដខ្លាំង យិត មាសឧស្សាហ៍ ហៅក្រៅ អែតវីន ដែលជាតួរអង្គក្នុងរឿង “មនុស្សឆ្កួត” របស់ផលិតកម្ម LDបានប្រកាសថាខ្លួនបានក្លាយទៅជាឪពុកគេហើយ។

យ៉ាងណាមិញភាពជាឪពុករបស់តារាសម្តែង អែតវីនកំពុងតែក្លាយទៅជាប្រធាបទដ៏ចាប់ អារម្មណ៍ ពីសំណាក់មហាជន ស្របពេលដែលលោកមិនទាន់បានទាំងចូលរោងការផង។

អែត វីនបានសេសេរ នៅលើបណ្តាញសង្គមរបស់ខ្លួនយ៉ាងដូចច្នេះ៖ “​អរគុណ​មួយឆ្នាំ​ដែល​មនុស្ស​ម្នាក់​បានផ្តល់​នូវ​ការស្រឡាញ់​ភាពកក់ក្តៅ ភាព​អត់អោន លើកលែងទោស​និង​អធ្យាស្រ័យ​យល់​ពី​ខ្ញុំ​គ្រប់យ៉ាង មិន​ថា​ខ្ញុំ​ខុស​ខ្ញុំ​អាក្រក់​យ៉ាងណា​នាង​នៅតែ​អធ្យាស្រ័យ​ដល់​ខ្ញុំ​នាង​ហត់​ហើយ​ដែល​រយៈពេល​មួយឆ្នាំ​ជា​សង្សារ​ខ្ញុំ​តែ​ពេលនេះ​ចង់​និយាយថាអូន​លែង​ជា​សង្សារ​បង​ទៀតហើយ​បង​សុំ​ប្តូរ​មក​នាម​ជា​ប្រពន្ធ​បានទេ​រីករាយ​គម្រប់​ថ្ងៃ​ខួប​មួយឆ្នាំ​ដែល​ពួកយើង​ស្រឡាញ់គ្នា​និង​ជា​ថ្ងៃ​ដែលអូន​បានផ្តល់​កាដូ​ធំ​បំផុត​ចុងឆ្នាំ​សម្រាប់​បង​នៅ​ឆ្នាំ​ថ្មី​នេះ​ពាក្យ​ថា​ប៉ាប៉ាបង​សប្បាយចិត្ត​ណាស់​ដឹង​ទេ​រក​អ្វី​មក​និយាយ​មិន​ស្មើ​អរគុណ​មែនទែន​ប្រពន្ធ ​សម្លាញ់​បង​ស្រឡាញ់​អូន​ណាស់​តែ​ពេលនេះ​ស្រឡាញ់​កូនជាង​អូន​ហើយ​ណា”។

ទោះបីជាយ៉ាងណាក៏ដោយតួអង្គក្នុងរឿងមនុស្សឆ្កួតដែលជាស្នាដៃនិពន្ធរបស់នាយក្រឿនបានលុបការសររសេទាំងនេះចោលទៅវិញ ដោយមិនបានបញ្ជាក់ពីមូលហេតុអ្វីនោះទេ។

គួរបញ្ជាក់ថាតារាសម្តែងរូបរាងសង្ហាម្នាក់នេះត្រូវបានទស្សនិកជនចាប់ផ្តើមស្គាល់យ៉ាងច្បាស់តាមរយៈការសម្តែងរឿងដែលនិពន្ធដោយនាយក្រឿនចំនួន  ពីររឿង ពោលគឺរឿងថតកុន និងរឿងកំពុងតែចាក់បញ្ចាំង “មនុស្សឆ្កួត”៕