នារីជនជាតិចិនម្នាក់ កំពុងតែខូចចិត្តយ៉ាងក្រៀមក្រំ ដោយសារតែមិត្តប្រុសដែលបានស្រឡាញ់និងរស់នៅជាមួយ ស្រាប់តែបាត់ខ្លួនមួយរំពេច។

ពេលនេះនាងមិនទាន់កាត់ចិត្តបានផង ស្រាប់តែប្រទះឃើញអាថ៌កំបាំងមួយរបស់មិត្តប្រុសទៀត។ នាងបានរកឃើញថា មិត្តប្រុសរបស់នាង ការពិតជាមនុស្សស្រី តាមរយៈភេទដែលបានចុះក្នុងអត្តសញ្ញាណប័ណ្ណ ហើយនាងបានរស់នៅជាមួយគេអស់រយៈពេល៦ខែ ទាំងគិតថាគេជាប្រុស។

នាងបានជួបនឹងគូស្នេហ៍តាមអនឡាញ ហើយក៏ចាប់ផ្ដើមស្រឡាញ់គ្នារហូតមក ទោះបីជាសង្សារមានវ័យក្មេងជាងខ្លួនក៏ដោយ។ បន្ទាប់មក ទើបពួកគេមករួមរស់ផ្ទះជាមួយគ្នា ប៉ុន្ដែមិនបានធ្វើរឿងស្និទ្ធស្នាលជ្រុលជ្រួសទេ ទើបមិនដឹងថាគូស្នេហ៍ជាស្រី បែបនេះ។

មិនត្រឹមតែខាតបង់ចិត្តទេ នារីម្នាក់នេះក៏ផុងខ្លួនអស់ជាង៤ពាន់ដុល្លា ដោយសារមនុស្សស្រីក្លែងធ្វើប្រុសនេះដែរ៕