ត្រូវឆ្លើយទេ​ចំពោះគ្រឿងញៀន! អ្នកចែកគ្រឿងញៀន២​នាក់ ត្រូវបានកម្លាំងនគរបាលក្រុងប៉ោយប៉ែត ឃាត់ខ្លួនបញ្ជូនទៅតុលាការ និងដកហូតគ្រឿងញៀនមួយចំនួន

636 Views
January 20, 2018

ជនសង្ស័យជួញដូរ និងចែកចាយថ្នាំញៀន២នាក់ ត្រូវបានកម្លាំងនគរបាលការពារព្រំដែន ប៉ុស្តិ៍អូរជ្រៅវរ៨៩១ ឃាត់ខ្លួនបញ្ជូនទៅតុលាការ និងដកហូតវត្ថុតាងគ្រឿងញៀនចំនួន ៤ថងតូច ដែលស្ថិតនៅក្នុងបន្ទប់ជួលមួយកន្លែង នៅក្នុងក្រុងប៉ោយប៉ែត ខេត្តបន្ទាយមានជ័យ។

 

 

 

 

លោកវរៈសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត បានថ្លែងឲ្យដឹងនាថ្ងៃទី១៩​ ខែមករានេះថា ជនសង្ស័យដែលពាក់ព័ន្ធ និងករណីជួញដូរគ្រឿងញៀនខាងលើ ត្រូវបានឃាត់ខ្លួនកាលពីវេលាម៉ោង៥៖០០នាទីល្ងាច ​ថ្ងៃ១៨ ខែមករា ឆ្នាំ២០១៨ ក្នុងបន្ទប់ជួលមួយកន្លែង ស្ថិតនៅក្នុងក្រុងប៉ោយប៉ែត ខេត្តបន្ទាយមានជ័យ ដែលជនសង្ស័យមានឈ្មោះ ឡី ឡូញ ស្នាក់នៅភូមិប៉ោយប៉ែត សង្កាត់/ក្រុងប៉ោយប៉ែត និងទី២ឈ្មោះ ផុន ភីន ស្នាក់នៅភូមិក្បាលស្ពានពីរ សង្កាត់/ក្រុងប៉ោយប៉ែត​។

 

 

 

 

 

លោកអធិការបន្តថា ក្រោយពេលឃាត់ខ្លួនរួច សមត្ថកិច្ចរកឃើញវត្ថុតាងជាច្រើនរួមមាន៖​ គ្រឿងញៀនមេតំហ្វេតាមីនអាយ​ចំនួន​ ៣កូនថង់តូច និង១កូនថង់ធំ ដែកកេះចំនួន ៧​ដើម​​ទូរសព្ទ័ចំនួន ៤គ្រឿង​​ បំពង់កែវឡតចំនួន២​ ប្រដាប់កៀរថ្នាំចំនួន២​ ការបូបចំនួន៤ បំពង់បឺតមួយចំនួន​ ពិលបត់ចំនួន១ ​កន្ត្រៃច្រិបចំនួន១​ ស្កុតចំនួន១ដុំ ថង់មាត់កឹបសំរាប់ច្រកថ្នាំញៀងមួយចំនួន។

បច្ចុប្បន្នជនសង្ស័យខាងលើ រួមទាំងវត្ថុតាងទាំងអស់ ត្រូវបាន​កម្លាំងនគរបាលក្រុងប៉ោយប៉ែត​ រៀបចំសំណុំរឿងបញ្ជូនទៅកាន់សាលាដំបូងខេត្ត ដើម្បី​ចាត់តាមនិតិវិធីច្បាប់៕

 

 

ប្រភព៖ freshnews

Facebook Comment

Related Articles