មធ្យោបាយធ្វើដំណើរជាច្រើន​នៅតូក្យូផ្អាក​ដោយសារព្រិលធ្លាក់ខ្លាំង

735 Views
January 23, 2018

 

មធ្យោបាយធ្វើដំណើរជាច្រើននៅក្នុងទីក្រុងតូក្យូ ប្រទេសជប៉ុន កំពុងជួបបញ្ហាដោយសារតែការធ្លាក់ព្រិលទឹកកកច្រើនពេក នាំឲ្យរថយន្ត រថភ្លើង និងការធ្វើដំណើរតាមយន្តហោះត្រូវបានផ្អាក។​

របាយការណ៍របស់អាជ្ញាធរបង្ហាញថា នៅក្នុងទីក្រុងតូក្យូ នៅថ្ងៃអង្គារនេះ កម្រិតនៃព្រិលទឹកកកធ្លាក់កម្រាស់ជាង២០សង់ទីម៉ែត្រ នាំឲ្យរាំងស្ទះការធ្វើចរាចរណ៍នៅតាមផ្លូវរថភ្លើង ហើយយន្តហោះដឹកអ្នកដំណើរក៏ត្រូវបានផ្អាក​ ដោយបារម្ភពីសុវត្ថិភាព។​ នេះបើតាម South China Morning Post។​

 

 

 

 

អាជ្ញាធរអះអាងថា កម្រិតព្រិលទឹកកកនេះ គឺជាកម្រិតធ្ងន់ធ្ងរមួយដែលមិនធ្លាប់កើតមានឡើងក្នុងរយៈពេល​៤ឆ្នាំចុងក្រោយនេះ។​

មនុស្សចំនួន​៦០០០នាក់ ខកខាតក្នុងការធ្វើដំណើរកាលពីយប់ថ្ងៃចន្ទម្សិលមិញដោយសារតែ ការផ្អាកជើងហោះហើរនៅព្រលានយន្តហោះ ​Narita។

យន្តហោះដឹកអ្នកដំណើររបស់ក្រុមហ៊ុន Nippon និងក្រុមហ៊ុន​មួយចំនួន​ទៀត​បានផ្អាកឬលុបចោល​ជើងហោះហើរចំនួន​ជាង៣០០ ទាំងការហោះហើរនៅក្នុងប្រទេស និងនៅលើឆាកអន្តរជាតិ។​

ចំណែកការធ្វើដំណើរតាមផ្លូវគោកគឺក្នុងអំឡុងពេលធ្លាក់ព្រិលនេះ កើតមានគ្រោះថ្នាក់ចរាចរណ៍ចំនួន​៧៤០ករណី ហើយក្នុងនោះ៦៧នាក់បានរងរបួសកាលពីយប់មិញ៕

 

 

ប្រភព៖ vod

Facebook Comment

Related Articles