កុមារីអាយុ៩ឆ្នាំ នៅប្រទេសចិនម្នាក់ កំពុងតែធ្វើឲ្យអ្នកលេងអ៊ីនធើណែតរំជួលចិត្ត ក្ដុកក្តួលជាខ្លាំង ដោយសារតែនាងតែងតែអៀវបងប្រុសពិការរបស់ខ្លួនទៅសាលារៀនជារៀងរាល់ថ្ងៃ ទោះបីជាអាកាសធាតុអាក្រក់បែបណាក៏ដោយ។

បងប្រុសរបស់ក្មេងស្រីតូចនេះ ពិការតាំងពីកំណើតមកម៉្លេះ។ ដោយសារតែស្ថានភាពលំបាកពេក គ្រួសារក៏សម្រេចឲ្យគេឈប់រៀន។ ប៉ុន្ដែ ប្អូនស្រីបានជំទាស់នឹងការសម្រេចចិត្តរបស់គ្រួសារ ដោយសុខចិត្តអៀវបងប្រុសខ្លួនទៅរៀន បែបនេះ។ នាងតូចអាយុ៩ឆ្នាំ បានពោលពាក្យគួរឲ្យក្ដុកក្ដួលរំជួលចិត្តថា៖ «ខ្ញុំនឹងធ្វើជាឈើច្រត់របស់បងប្រុសជារៀងរហូត ខ្ញុំនឹងតែងតែនៅជាមួយគាត់រហូត មើលថែគាត់ និង ខ្ញុំនឹងមិនបោះចោលគាត់ឡើយ»។

ក្រៅពីជួយធ្វើជាឈើច្រត់ឲ្យបងប្រុស នាងថែមទាំងមើលថែទាំបងប្រុសសព្វគ្រប់បែបយ៉ាង តាំងពីលប់មុខ ស្លៀកសំលៀកបំពាក់ ជាដើម។  មិនតែប៉ុណ្ណោះ នាងឆ្លៀតពេលជួយកិច្ចការផ្ទះឪពុកម្ដាយ គួរឲ្យសរសើរក្រៃលែង។ យ៉ាងណាមិញ ក្រោយពីល្បីល្បាញដល់សារព័ត៌មានអំពីស្ថានភាពលំបាករបស់ពួកគេ ពេលនេះ ខាងសាលារៀនបានជួយផ្ដល់មធ្យោបាយធ្វើដំណើរដល់ទាំងពីរនាក់បងប្អូនហើយ។  

កុំឲ្យខាតពេល តោះទៅមើលសកម្មភាពរបស់នាងតូច ទាំងអស់គ្នា៖

https://www.youtube.com/watch?time_continue=95&v=u2DjuvlN6Jg