រកប្ដីឯណាបានដូចគាត់! សុខចិត្តដើរ៤០គីឡូម៉ែត្រកាត់ព្យុះព្រិល ព្រោះដើម្បីឲ្យប្រពន្ធ…

641 Views
January 30, 2018

បុរសដែលជាអ្នកធ្វើការចំណាកស្រុកម្នាក់ បានធ្វើឲ្យពិភពអ៊ីនធើណែតរំជួលចិត្តពេញប្រទេសចិនហើយពេលនេះ ព្រោះតែគាត់បានដើរអស់ប្រមាណ៤០គីឡូម៉ែត្រ បន្ទាប់ពីស្ថានីយ៍រថយន្ដក្រុងត្រូវបានបិទទ្វារដោយសារព្យុះព្រិលធ្ងន់ធ្ងរពេកនៅទីក្រុងសៀងហៃ។

 

 

 

 

លោក Zhao Fengzi ជាអ្នកធ្វើការនៅការដ្ឋានសំណង់ បានត្រឡប់ទៅស្រុកកំណើតកាលពីសប្ដាហ៍មុន ដោយត្រៀមនឹងថ្ងៃឈប់សម្រាកនាពេលឆាប់ៗខាងមុខនេះ។ ប៉ុន្ដែ លោកបានជួបឧបសគ្គ បន្ទាប់ពីស្ថានីយ៍រថយន្ដក្រុងត្រូវបិទ មិនអាចចេញរថយន្ដបានទេ ព្រោះតែទីក្រុងសៀងហៃរងព្យុះព្រិលខ្លាំងពេក។ ដូច្នេះ បុរសចិត្តខ្លាំងម្នាក់នេះ មិនព្រមជិះតាក់ស៊ី ឬ សម្រាកនៅសណ្ឋាគារមួយយប់ឡើយ។ លោកក្លាហានសុខចិត្តដើរកាត់ព្រិល ពីក្រុងឡកយ៉ាងដល់ស្រុកកំណើតរបស់លោក អស់៤០គីឡូម៉ែត្រ ដោយស្ពាយឥវ៉ាន់ទាំងអស់នៅជាប់ខ្លួនថែមទៀត។

 

 

 

លោកបានបញ្ជាក់ថា នៅពេលដែលកាន់តែដើរ កាន់តែមានអារម្មណ៍កក់ក្ដៅ។ ចំណែកឯមូលហេតុដែលមិននឹកស្មានថាលោកសុខចិត្តធ្វើបែបនេះ គឺដោយសារតែលោកចង់សន្សំសំចៃលុយ ដើម្បីទុកទិញកាដូសំលៀកបំពាកថ្មីជូនប្រពន្ធសម្រាប់ថ្ងៃចូលឆ្នាំចិនខានមុខនេះ។ លោកឲ្យតម្លៃប្រាក់ខែដែលលោកខំប្រឹងរកដោយលំបាកណាស់ ដូច្នេះលោកមិនខ្ជះខ្ជាយលើការចំណាយដែលមិនចាំបាច់ទេ។

 

 

 

 

វ័យរបស់លោកក៏កាន់តែចាស់ដែរ ពិបាកនឹងរកការងារធ្វើណាស់។ ដូច្នេះប្រសិនបើលោកមិនខំសន្សំ លោកនឹងមិនសល់លុយឡើយ។ យ៉ាងណាមិញ លោកមានគម្រោងនឹងចូលនិវត្តន៍នាពេលឆាប់ៗនេះផង ព្រោះវ័យលោកក៏ដល់៦០ឆ្នាំដែរ៕

 

ប្រភព៖ Nextshark

Facebook Comment

Related Articles