ទន្លេមួយកន្លែងនៅក្នុងប្រទេសរុស្ស៊ីបានប្រែក្លាយទៅជាឈាម ដែលបានបង្ករជា ការភ្ញាក់ផ្អើលយ៉ាងខ្លាំង ចំបោះប្រជាជននៅក្នុងតំបន់នោះរត់ទៅប្តឹងអាជ្ញាធរ នៅក្នុងប្រទេសរុស្ស៊ី។

ជាមួយគ្នានេះដែរ បន្ទាប់ពីទទួលបានដំណឹងនៃការប្រែពណ៌នៃទឹកទន្លេសម្រាប់ ប្រើប្រាស់រួចមក អាជ្ញាធរ និងក្រុមអ្នកជំនាញបានចេញសេចក្តីព្រមានទៅកាន់ ពលរដ្ឋខ្លួនដែលអាចយកទឹកប្រែពណ៌ចម្លែកនេះទៅទទួលទាន។

ហេតុការណ៍ទឹកទន្លេប្រែពណ៌ដូចឈាមនេះបានកើតឡើងនៅក្នុងតំបន់ ភាគខាង លិចខេត្ត Siberia ដែលទន្លេមួយកន្លែងនេះគឺជាប្រភពទឹកដ៏សំខាន់ផងដែរ សម្រាប់ប្រជាជនដែលរស់នៅក្នុងតំបន់នោះ។ ទន្លេមួយកន្លែងនេះត្រូវបានអ្នករស់ នៅតីនោះហៅឈ្មោះថា “​Molchanka”។

អ្នកជំនាញដែលចុំស្រាវជ្រាវអំពីការប្រែពណ៌ទឹកទន្លេទៅជាដូចឈាមបែបនេះ បានបង្ហើបថា បញ្ហានៃការប្រែពណ៌នេះគឺអាចបណ្តាលមកពីសារធាតុគីមី ដែលបង្ហូចេញពីរោងចក្រចូលមកក្នុងទន្លេ។ ក៏ប៉ុន្តែអាជ្ញាធរ និងក្រុមអ្នកជំនាញ នៅមិនទាន់ប្រកាសជាផ្លូវការចំពោះមូលហេតុនោះទេ ដោយពួកគេរង់ចាំ ការស៊ើបអង្កេតជាបន្តទៀត។

គួរបញ្ជាក់ថាប្រជាជនដែលរស់នៅពឹងផ្អែកលើការប្រើប្រាស់ទឹកទន្លេមួយនេះ បានត្អួញត្អែរយ៉ាងខ្លាំង ពីព្រោះបញ្ហាកង្វះទឹកប្រើប្រាស់។ ហើយក្នុងនោះដែរ ក៏មានប្រជាជនមួយចំនួនបានផ្លាស់ទៅស្នាក់នៅក្នុងទីតាំង បណ្តោះអាសន្នដែល ពួកគេអាចមានលទ្ធភាពប្រើប្រាស់ទឹកស្អាត៕

សូមទស្សនា វីឌីអូខាងក្រោម៖

ប្រភព៖ Mirror