នេះជាហេតុការណ៍មួយដ៏គួរឲ្យរន្ធត់ដែលបានកើតឡើងនៅក្នុងកោះតៃវ៉ាន់ ខណៈពេលដែលសង្សារមួយគូរមានជម្លោះជាមួយគ្នាស្រាប់តែភាគីខាងស្រី បាន លោត ចុះពីលើឡានកំពុងបើកដែលមានល្បឿន ៩០ គីឡូម៉ែតនៅក្នុងមួយម៉ោង។

វីឌីអូនៃសកម្មភាពលោតចេញពីឡានរបស់គូរស្នេហ៍វ័យក្មេងមួយគូរនេះត្រូវបានថតជាប់ទាំងស្រុងពីរថយន្តដែលបានធ្វើដំណើរពីក្រោយ ស្របពេលដែលក្នុងវីឌីអូ បង្ហាញថាភាគីខាងស្រីបានសម្រេចចិត្តលោតទាំងក្នុងខ្លួនកំពុងតែមានកំហឹង ស្របពេលដែលឡានកំពុងតែបោះពួយយ៉ាងលឿន។

ក៏ប៉ុន្តែជាសំណាងល្អបន្ទាប់ពីលោតចេញពីឡានទាំងកំពុងបើកបរយ៉ាងលឿន រួចមក គឺស្រ្តីចិត្តខ្លាំងម្នាក់នោះមិនបានទទួលរងរបួសធ្ងន់អ្វីឡើយ ពោលគឺនាង បានងើបដើរធម្មតាដូចគ្មានរឿងអ្វីកើតឡើងទាំងអស់។

យ៉ាងណាមិញម្ចាស់វីឌីអូបាននិយាយថា ប្រសិនបើជាមនុស្សស្រីចិត្តខ្លាំងនេះ ហ៊ានលោតមកខាងផ្លូវជាតិ ប្រហែលជាពេលនេះនាងមិនមានជីវិតនៅឈ្លោះគ្នា ជាមួយនឹងសង្សារបន្តទៀតឡើយ។

តាមការបញ្ជាក់ពីម្ចាស់ឃ្លីបបានឲ្យដឹងថាបន្ទាប់ពីមានហេតុការណ៍លោតចេញពីក្នុងឡានកំពុងតែមានល្បឿនលឿននោះរួចមក គឺខាងភាគីបុរសជាកូរស្នេហ៍បានចុះ មកមើលខាងភាគីស្រ្តីផងដែរ ដែលពួកគេទាំង ២ នាក់មានអាយុប្រហែលជា២០ ឆ្នាំ ដែលជាវ័យកំពុងតែមានកំហឹងខ្លាំង ទើបនារីជាសង្សារដាច់ចិត្តលោត ដោយមិនគិតពីគ្រោះថ្នាក់បែបនេះ៕

ប្រភព៖ mirror