នេះជាករណីទីមួយហើយរបស់ក្រុមហ៊ុនយក្ស Apple ដែលបានជួបជាមួយនឹងបញ្ហា ផ្ទុះទៅលើកាសឥតប្រើខ្សែ AirPods របស់ខ្លួននៅក្នុងរដ្ឋ Florida សហរដ្ឋអាមេរិក ដែលហេតុការណ៍ដ៏គួរឲ្យរន្ធត់នេះបានកើតឡើងទៅលើបុរសម្នាក់ដែលជាបុគ្គលិក ធ្វើការនៅកន្លែងហាត់ប្រាណ។

លោក Jason Colon ដែលមានតួនាទីជាគ្រូបង្ហាត់នៅកន្លែងហាត់ប្រាណបាន រៀបរាប់ថាដមបូងឡើយគាត់កំពុងតែស្តាប់តន្រ្តីតាមរយៈកាសរបស់លោកដូចសព្វ ដង។ ក៏ប៉ុន្តែភ្លាមៗស្រាប់តែកាសរបស់លោកម្ខាងចាប់ផ្តើមហ៊ុយផ្សែងកាន់តែ ច្រើនឡើងៗ។

រំពេចនោះលោក Jason ក៏បានប្រញាប់ដោះវាចេញពីត្រចៀកហើយបោះចោល ទៅលើឥដ្ឋការ៉ូ បន្ទាប់មកវាក៏ផ្ទុះតែម្តង។

យ៉ាងណាមិញជាសំណាងល្អដែរដែលអ្នកប្រើប្រាស់ផលិតផលរបស់ក្រុមហ៊ុន Apple រូបនេះមិនបានទទួលរងគ្រោះថ្នាក់ដោយសារតែលោកបាន ដោះកាសគ្រវាត់ចោល ទាន់ពេល ប់មិនដូច្នោះទេប្រហែលជាលោកទទួលរងរបួសធ្ងន់ធ្ងរជាមិនខាន។

ស្របពេលនេះដែរខាងក្រុមហ៊ុន Apple សហរដ្ឋអាមេរិកកំពុងតែត្រួតពិនិត្យទៅ លើករណីដែលបានបង្ករឲ្យមានការផ្ទុះនេះកើតឡើង ស្របពេលដែលមានការ សន្និដ្ឋានជំហ៊ានដំបូងថាវាអាចបណ្តាលមកពីថ្មសាករបស់កាសនេះផ្ទាល់តែម្តង៕