ទោះបីជាស្ថិតនៅក្នុងវ័យកណ្តាលយ៉ាងណាក្តី ក៏គូរស្នេហ៍ពិធីករ និងពិធីការនីល្បី ឈ្មោះ គង់ សុជាតិ និងលោកជាវិបុលនៅតែមានភាពផ្អែមល្ហែម មិនចាញ់ក្មេងៗ ស្រករក្រោយប៉ុន្មាននោះទេ។

ជាក់ស្តែងក្នុងឱកាសថ្ងៃឈប់សម្រាកនានាកន្លងមកនេះតារាវ័យកណ្តាលទាំង ២ បានបង្ហាញរូបថតផ្អែមល្ហែមជាច្រើន ដែលពេលខ្លះបានធ្វើឲ្យក្មេងជំនាន់ក្រោយ មានអារម្មណ៍ច្រណែននឹងអ្នកទាំងពីរទៀតផង។

ថ្វីបើអ្នកទាំង ២មានវ័យខុសគ្នាបន្តិចមែនក៏ប៉ុន្តែបើនិយាយពីទំនាក់ទំនង ស្នេហាវិញ គឺលោក ជាវិបុល និងអ្នកនាងគង់ សុជាតិ មិនធ្លាប់មានរឿងរកាំរកូស បង្ហាញនៅលើបណ្តាញសារព័ត៌មាននោះទេ។ ផ្ទុយទៅវិញមានតែភាពផ្អែមល្ហែម ភាពកក់ក្តៅ និងសុភមង្គលដែលតារាទាំងពីរបានបង្ហាញឲ្យទស្សនិកជនឃើញ។

គួរបញ្ជាក់ថាសម្រាប់ឆ្នាថ្មីនេះពិធីករ និងពិធីការនិល្បីឈ្មោះទាំងពីរបាន បន្សល់ទុកនូវកូនស្រីដ៏ស្រស់ស្អាតម្នាក់សម្រាប់ជាចំណងស្នេហារបស់ខ្លួន ហើយជាពិសេសកាលពីកំឡុងចូលឆ្នាំចិនកន្លងមកនេះគ្រួសារដ៏មានសុភមង្គលមួយនេះបានបង្ហាញរូបភាពជាច្រើនសន្លឹកក្នុងបណ្តាញសង្គម Instagram។ ដែលវាបានធ្វើឲ្យទស្សនិកជនគាំទ្រសរសើរអ្នកទាំងពីរយ៉ាងខ្លាំង៕

ប្រភព៖ Instagram អ្នកនាងគង់សុជាតិ