ទន្ទឹមនឹងការសុំទោសនេះ អង្គការអុកស្វាមក៏ប្រកាសប្តេជ្ញារៀបចំការងារឲ្យបានប្រសើរឡើង ដើម្បីបំពេញការងារមនុស្សធម៌ ជួយដល់ជនរងគ្រោះ។​ នេះបើតាមទីភ្នាក់ងារព័ត៌មាន ​AFP។​

នៅក្នុងលិខិតរបស់អង្គការអុកស្វាមនោះ ក៏បានលើកឡើងពីឥរិយាបថ មន្ត្រីរបស់ខ្លួនដែលបញ្ជូនទៅកាន់ប្រទេសហៃទី កាលពីឆ្នាំ២០១១ ដើម្បីជួយដល់ជនរងគ្រោះដោយសារតែការរញ្ជួយដី ប៉ុន្តែប្រែងក្លាយទៅជាកើតរឿងអាស្រូវផ្លូវភេទ។​

នាយកប្រចាំតំបន់នៃអង្គការអុកស្វាមលោក Simon Ticehurst បានបញ្ជូនរបាយការណ៍នោះទៅកាន់រដ្ឋាភិបាលហៃទី ហើយថា លោកមានការសោកស្តាយ និងអៀនខ្មាស់ ចំពោះសកម្មភាពដែលមន្ត្រីរបស់លោកបានធ្វើឡើង។​

សកម្មភាពអង្គការអុកស្វាមនៅក្នុងប្រទេសហៃទី គឺមានការជួញដូរផ្លូវភេទនៅក្នុងស្នាក់ការនៃអង្គការនេះ ដែលមានការថ្កោលទោសខ្លាំងពីសហគមន៍អន្តរជាតិ៕