ពិធីបុណ្យចូលឆ្នាំចិនទើបតែបានកន្លងផុតទៅកាលពីពេលថ្មីៗនេះ ប៉ុន្ដែប្រជាជនចិនដែលបានធ្វើដំណើរទៅកម្សាន្តនៅខេត្ត Hainan បានត្រឡប់ចូលទីក្រុងវិញ ទាំងលំបាកវេទនា ព្រោះតែបញ្ហាស្ទះសាឡាង ធ្វើឲ្យរថយន្តជាប់គាំងនៅនឹងថ្កល់តែម្ដង។

តាមការប៉ាន់ស្មាន រថយន្ដជាង១ម៉ឺនគ្រឿង និង ប្រជាជនជាង១០ម៉ឺននាក់ បានជាប់នៅក្នុងហេតុការណ៍ស្ទះចរាចរណ៍លក្ខណៈទ្រង់ទ្រាយធំនេះ។ មូលហេតុចម្បងដែលបង្កការកកស្ទះនេះ បណ្ដាលមកពីមេឃចុះអ័ព្ទខ្លាំង ហើយកប៉ាល់មួយក៏បានប៉ះទង្គិចនឹងកំពង់ផែ។ ពេលនោះ សាឡាងជាច្រើនក៏បានលុបចោល មិនចេញចរ ព្រោះតែខ្លាចគ្រោះថ្នាក់។

ដូច្នេះ រឿងនេះក៏បានធ្វើឲ្យរថយន្ដរាប់ម៉ឺនគ្រឿង នៅជាប់បែបនេះតែម្ដង រហូតដល់មេឃលែងចុះអ័ព្ទ។

ដោយនោះជាថ្ងៃឈប់សម្រាកចុងក្រោយនៃបុណ្យចូលឆ្នាំចិន ប្រជាជនក៏ត្រឡប់ទៅទីក្រុងមិនរួច ដល់ថ្នាក់ធ្វើឲ្យរដ្ឋាភិបាលសម្រេចចិត្តបន្ថែមថ្ងៃឈប់មួយថ្ងៃទៀត រហូតដល់អ្នកទេសចរអាចចាកចេញពីទីនោះដោយសុវត្ថិភាព។  

តោះមកមើលរូបភាពនិងវិឌីអូរបស់ការស្ទះចរាចរណ៍នេះថា សាហាវប៉ុណ្ណា៖

ប្រភព៖ https://medium.com/shanghaiist/look-absolutely-hellish-traffic-jams-mark-the-end-of-another-spring-festival-holiday-41331d963186