គ្រូម្នាក់នៅក្នុងរដ្ឋតិចសាស់សហរដ្ឋអាមេរិកត្រូវបានសាលាផ្អាកពីការងារ បន្ទាប់ពីបែកធ្លាយវីឌីអូឃ្លីបមួយបង្ហាញថា លោកគ្រូបានយកទូរស័ព្ទថត សកម្មភាពសិស្សវាយគ្នានៅក្នុងថ្នាក់រៀនដោយមិនបានចូលទៅបំបែក ឬមានវិធានការណ៍ហាមឃាត់ឡើយ។

តាមរយៈសារព័ត៌មាន Dallas News បានឲ្យដឹងថាលោកគ្រូបង្រៀនម្នាក់នេះ មិនត្រឹមតែមិនបានចូលឃាត់សកម្មភាពវាយគ្នារបស់សិស្សទាំង ២ នាក់នោះទេ ក៏ប៉ិន្តែលោកគ្រូបានបញ្ឆេះកំហឹងពួកគេទាំង ២ ឲ្យមានកាន់តែខ្លាំងទៅ លើគ្នា ទៅវិញទៅមក មុនពេលដែលលោកគ្រូទាញទូរស័ព្ទពីក្នុងហោប៉ៅថតសកម្មភាព។

ទន្ទឹមនឹងគ្នានោះដែរវីឌីអូឃ្លីបទាំងនោះត្រូវបានបង្ហោះចូលទៅក្នុងបណ្តាញសង្គម Snapchat និង Twitter ដោយមានអ្នកចូលមើលជាច្រើនបានសម្តែង ការមិនពេញចិត្តចំបោះសកម្មភាពរបស់លោកគ្រូម្នាក់នោះ។

យ៉ាងណាមិញអ្នកណាំពាក្យខាងសាលារៀនបានបញ្ជាក់ថាលោកគ្រូចូលចិត្តមើលសិស្សខ្លួនឯងវាយតប់គ្នាត្រូវបានសាលាបណ្តេញចេញពីការងារហើយ ដោយខាងសាលាមិនស្តាប់ការបកស្រាយអ្វីទាំងអស់ ពិព្រោះសកម្មភាពនេះ គឺបានផ្ទុយពីបទបញ្ជាផ្ទៃក្នុងរបស់សាលារៀន McKinney តែម្តង។

គួរបញ្ជាក់ថាបន្ទាប់ពីត្រូវបានសាលារៀនបណ្តេញចេញពីការងារមិនមាននរណាម្នាក់អាចស្តាប់ការបកស្រាយហេតុផលសកម្មភាព និងទង្វើររបស់លោកគ្រូបានឡើយ ពោលគឺលោកគ្រូម្នាក់នោះមិនបាននិយាយអ្វីទាំងអស់៕