គ្រោះថ្នាក់ចរាចរណ៍ពេញមួយខែកុម្ភៈ ឆក់យកជីវិតមនុស្ស១៥៧នាក់ និងរបួសធ្ងន់ស្រាល៤១២នាក់

770 Views
March 1, 2018

(ភ្នំពេញ)៖ យ៉ាងហោចណាស់មានមនុស្ស១៥៧នាក់បានស្លាប់ និងមនុស្ស៤១២នាក់ទៀតរបួសធ្ងន់ស្រាល ក្នុងគ្រោះថ្នាក់ចរាចរណ៍ទូទាំងប្រទេសរយៈពេលពេញ១ខែកុម្ភៈ ឆ្នាំ២០១៨។

យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាល​ជាតិ បានបញ្ជាក់ថា ​រយៈពេលពេញ១ខែកុម្ភៈ ឆ្នាំ២០១៨នេះ មានករណី​គ្រោះថ្នាក់ចរាចរណ៍កើតឡើងចំនួន២៥៣លើក។

របាយការណ៍បានបញ្ជាក់ទៀតថា គ្រោះថ្នាក់ចរាចណ៍ទាំង២៥៣លើកនេះ បានបណ្ដាលឲ្យខូតខាតម៉ូតូចំនួន២៦៩គ្រឿង, រថយន្ដធុនតូចចំនួន​១១២គ្រឿង, រថយន្ដធុនធំចំនួន៥៣គ្រឿង, យានផ្សេងៗ២៨គ្រឿង និងអ្នកថ្មើជើង៣០នាក់។

 

 

 

 

មូលហេតុដែលបណ្ដាលឲ្យមានករណីគ្រោះថ្នាក់​ចរាចណ៍រួមមានល្មើសល្បឿនចំនួន៩៩លើក, ស្រវឹង២១លើក, ប្រជែងចំនួន៣១លើក, មិនប្រកាន់ស្ដាំចំនួន២១លើក, មិនគោរពសិទ្ធ៤៥លើក, បត់គ្រោះថ្នាក់ចំនួន១៨លើក, កត្តាយានយន្ដចំនួន១៦លើក និងងងុយដេកចំនួន២លើក។

របាយការណ៍បានបញ្ជាក់ទៀតថា ខេត្តក្រុងដែលមានករណីគ្រោះថ្នាក់ចរាចរណ៍ច្រើនជាងគេរួមមាន៖ រាជធានីភ្នំពេញ, ខេត្តកណ្ដាល, ខេត្តព្រះសីហនុ, ខេត្តសៀមរាប, ខេត្តព្រៃវែង, ខេត្តកំពង់ធំ, ខេត្តពោធិ៍សាត់, ខេត្តកំពង់ស្ពឺ, ខេត្តបន្ទាយមានជ័យ និងខេត្តកំពង់ឆ្នាំង៕

 

 

ប្រភព៖ freshnews

 

Facebook Comment

Related Articles