ម្ចាស់បទ “កាដូគ្មានន័យ” លោក មួន ម៉ារ៉ាដែលធ្លាប់ទទួលបានការគាំទ្រ យ៉ាងច្រើន ពីសំណាក់ទស្សនិកជន បានបង្ហាញថាលោកនឹងអាចនឹងចូលប្រឡូក ក្នុងរង្វង់វិស័យសិល្បៈសារជាថ្មី បន្ទាប់ពីខកខានអស់រយៈពេលជាច្រើនឆ្នាំកន្លង មកហើយ។

នៅក្នុងបណ្តាញសង្គមផ្ទាល់ខ្លួន លោក មួន ម៉ារ៉ាបានសរសេរថា៖​ “ដាក់អាស្ទីលអត់ដឹងខ្លួននឹងគេដែរមើល ចាំមើលគេថាម៉េច! កំពុងគិតថាចេញបទថ្មីថ្ងៃណាល្អ សម្រាប់បងប្អូនដែលគាំទ្ររងចាំស្តាប់”។ ដែលពាក្យពេចន៍ទាំងនេះគឺជាតម្រុយនៃការវិលត្រលប់ចូលមកកាន់រង្វង់សិល្បៈរបស់លោកវិញ។

យ៉ាងណាក៏ដោយ ទោះបីជាមិនទាន់វិលត្រលប់ចូលមកកាន់វិស័យសិល្បៈ ជាផ្លូវការណ៍ ក៏លោកមួន ម៉ារ៉ាតែងតែបង្ហើសំនៀងរបស់ខ្លួននៅក្នុង បណ្តាញសង្គម ដែលជារឿយៗ មានទស្សនិកជនជាច្រើនបានចូលខមិន ទន្ទឹងរង់ចាំលោកត្រលប់ចូលមកកាន់ វិស័យសិល្បៈឡើងវិញ។

បច្ចុប្បន្នលោក មួន ម៉ារ៉ាត្រូវបានគេដឹងថាជាពាណិជ្ជករទទួលបានជោគជ័យមួយ រូប ហើយជាពិសេសមកទល់នឹងពេលនេះលោកមានកូនចំនួន ២ នាក់ហើយ ដោយកាលពីពេលថ្មីៗនេះភរិយារបស់លោកក៏ទើបតែសម្រាលបានកូនស្រីដ៏ស្រស់ស្អាតមួយរូបផងដែរសម្រាប់ជាចំណងដៃនៃអាពាហ៍ពិពាហ៍របស់ខ្លួន៕

ប្រភព៖ Moon Mara

ដោយ៖ វិសាល