ទោះបីជាកំពុងតែស្ថិតនៅក្នុងស្ថានភាពមមាញឹកយ៉ាងណាតារាប្រុស ចំនួន ៣ រូបត្រូវបានគេដឹងថាតែងតែចំណាយពេលរបស់ខ្លួនឆ្លៀតសម្រាប់គ្រួសារផងដែរ ក្រោយសម្រាកពីការងារ ឬក៏មុនពេលទៅធ្វើការងារ។

តារាប្រុសទាំង ៣ រូបត្រូវបានគេដឹងថា មានដូចជា៖ លោក ឆន សុវណ្ណរាជ ដែលជាកំពូលតារារបស់ផលិតកម្ម ហង្សមាស, លោក ខេមរៈ សិរីមន្ត របស់ផលិតកម្ម ហង្សមាស, និង កំពូលតារាចម្រៀង ករុណា ពេជ្ររបស់ផលិតកម្ម ថោនផងដែរ។

ចំពោះសកម្មភាពដែលតារាប្រុសទាំង ៣ បានចំណាយទៅលើគ្រួសាររបស់ខ្លួនមាន ដូចជា៖

• ឆន សុវណ្ណរាជ: កាលពីថ្ងៃទី ១១ ខែមិនា កន្លងថ្មីៗនេះ លោកបាននាំក្រុម គ្រួសារ របស់ខ្លួនទៅញ៉ាំបង្កងនៅខេត្តតាកែវ ដោយក្នុងនោះ លោកបានបញ្ជាក់ថា ខេត្តតាកែវគឺជាស្រុកកំណើតរបស់ឪពុកខ្លួន ហើយការញ៉ាំបង្កងជុំគ្រួសារគឺ ឆ្លៀតពេលមុនលោកឡើងសម្តែងនៅទីនោះផងដែរ។

• ខេមរៈ សិរីមន្ត: ខេមរៈ សិរីមន្តក៏មិនខុសគ្នាពីលោក ឆន សុវណ្ណរាជ ដែរគឺកាលពីដើមឆ្នាំថ្មីកន្លងមកនេះ លោក សិរីមន្ត បាននាំបងប្អូន និងក្រុមគ្រួសាររបស់ខ្លួនកម្សាន្តនៅក្នុងឧទ្យានដងព្រែកក្នុងទឹកដីខេត្តកំពត។

• ករុណា ពេជ្រ: ការឆ្លៀតពេលសម្រាប់គ្រួសាររបស់លោក ករុណា​ពេជ្រ គឺហាក់ខុសគ្នាជាមួយតារា ២ រូបខាងលើបន្តិចដោយសារតែ លោក ករុណា​ពេជ្រ បានឆ្លៀតពេលពីការងារមកមើលឪពុករបស់ខ្លួនដែល កំពុងតែសម្រាកព្យាបាលជម្ងឺនៅក្នុងមន្ទីពេទ្យ៕

គួរបញ្ជាក់ថាតារាប្រុសទាំង ៣ រូបខាងលើគឺតែងតែទទួលបានចំណាប់អារម្មណ៍ពី ទស្សនិកជនជាយូរណាស់មកហើយ ដោយពួកគេមិនត្រឹមតែមានសំនៀងយ៉ាង ពិរោះប៉ុណ្ណោះទេ ក៏ប៉ុន្តែពួកគេក៏មានរូបរាងសង្ហាឆក់យកដួងចិត្តនារីៗជាច្រើន ផងដែរ៕