ភ្លេច​កូនក្នុងឡាន៤ម៉ោង ធ្វើឲ្យម្ដាយមានវិប្បដិសារីអស់មួយជីវិត!

869 Views
March 17, 2018

អ្នកម្ដាយជនជាតិម៉ាឡេស៊ីម្នាក់ គឺជាគ្រូបង្រៀននៅសាកលវិទ្យាល័យមួយ ហើយព្រោះតែគាត់រវល់និងស្រ្តែសនឹងការងារពេក បែរជាភ្លេចភ្លាំងរហូតទុកកូនអាយុ២ឆ្នាំ ចោលនៅក្នុងរថយន្តស្ទើរមិនគួរឲ្យជឿ។

 

 

 

 

 

 

 

 

 

 

គាត់បានទុកកូននៅក្នុងឡានតាំងពីម៉ោង៩ព្រឹក ហើយគាត់មិនបានចាប់អារម្មណ៍នោះទេ។ រហូតដល់ម៉ោង១រសៀល ទើបគាត់ភ្ញាក់ខ្លួនថា កូនស្រីរបស់ខ្លួននៅក្នុងរថយន្ដនៅឡើយ។ ពេលនោះ កូនស្រីរបស់គាត់បានសន្លប់លែងដឹងខ្លួនទៅហើយ។ ភ្លាមៗ ស្រ្តីជាម្ដាយបានប្រញាប់ប្រញាល់បញ្ជូនកូនស្រីទៅកាន់គ្លីនិកដែលនៅជិត។

 

 

 

 

 

 

 

 

 

 

ជាអកុសល បន្ដិចក្រោយមក គ្រូពេទ្យប្រាប់ថា កូនស្រីនោះផុតដង្ហើមស្លាប់បាត់ទៅហើយ។ គេសង្ស័យថា កុមារីអាចស្លាប់មកពីត្រូវហប់ហើយទទួលកំដៅនៅក្នុងរថយន្ដខ្លាំងពេក។ ពេលនេះ ខាងអាជ្ញាធរម៉ាឡេស៊ីកំពុងតែស៊ើបអង្កេតបន្ដពីរឿងក្ដីនេះឲ្យបានច្បាស់ ព្រោះតាមច្បាប់របស់ប្រទេស បើប្រព្រឹត្តបទល្មើសចំពោះកុមារអាចប្រឈមនឹងការពិន័យជាទឹកប្រាក់ប្រមាណ៥ពាន់ដុល្លា ឬ/និង ជាប់ពន្ធធនាគារ១០ឆ្នាំ។ ចំណែកស្រ្ដីជាម្ដាយ បានត្រឹមតែយំសោក មានវិប្បដិសារី ហើយសុំអភ័យទោសពីសពរបស់កូន ថាគាត់គ្មានចេតនាទុកកូនចោលឡើយ។ ពិតជាគួរឲ្យសង្វេគណាស់។

 

 

 

 

 

 

 

 

 

 

 

 

 

 

 

 

ដូច្នេះ សូមមាតាបិតាកុំធ្វេសប្រហែសឲ្យសោះរឿងទុកកូននៅក្នុងរថយន្ដ ជៀសវាងស្ដាយក្រោយ បាត់បង់កូនជាទីស្រឡាញ់ដូចជាស្រ្តីខាងលើ៕

ប្រភព៖ https://nextshark.com/baby-girl-dies-mom-forgets-inside-hot-car-4-hours-malaysia/

Facebook Comment

Related Articles