ចិនអាចប្រើប្រាស់កងកម្លាំងរបស់ខ្លួនប្រឆាំងសកម្មភាព សហរដ្ឋអាមេរិក ជុំវិញបញ្ហាកោះតៃវ៉ាន់

829 Views
March 20, 2018

ប្រទេសចិនអាចនឹងប្រើប្រាស់កងកម្លាំងរបស់ខ្លួនដើម្បីប្រឆាំងនឹងសហរដ្ឋអាមេរិកដែលបានលូកដៃចូលទៅក្នុងបញ្ហាកោះតៃវ៉ាន់ ជាពិសេសការជំរុញ ឲ្យដែនកោះមួយនេះ ទាមទារឯករាជ្យពេញលេញពីប្រទេសចិន នេះបើយោងតាម ការរាយការណ៍ របស់សារព័ត៌មាន Global Times បង្ហាញឲ្យដឹង។

 

 

 

 

 

 

 

ស្របគ្នានេះដែរលោក Xu Guangyu ដែលជាអតីតមេបញ្ជាការប្រទេសចិនដែល បានចូលនិវត្តន៍ទៅហើយបាននិយាយថា សកម្មភាពរបស់សហរដ្ឋអាមេរិកគឺ វាពិតជាហួសបន្ទាត់ក្រហម ហើយវាគឺជាការបង្កជម្លោះយ៉ាងជាក់ស្តែង នេះជាអ្វី ដែលអតីតមេបញ្ជាការចិនបានផ្តល់កិច្ចសម្ភាសន៍ជាមួយសារព័ត៌មាន Global Times។

 

 

 

 

 

 

 

 

 

 

យ៉ាងណាមិញរដ្ឋាភិបាលចិនតែងតែសម្តែងការមិនពេញចិត្តទៅកាន់សហរដ្ឋអាមេរិកដែលតែងតែលូកដៃចូលទៅក្នុងបញ្ហាកោះតៃវ៉ាន់ ហើយអ្វីដែលកាន់តែធ្វើឲ្យ ប្រទេសចិនក្តៅស្លឹកត្រចៀកទៀតនោះគឺសហរដ្ឋអាមេរិកបានចុះកិច្ចព្រមព្រៀង លក់សព្វាវុធរបស់ខ្លួនមកកនា់កោះតៃវ៉ាន់ផងដែរ។

 

 

 

 

 

 

 

 

 

 

គួរបញ្ជាក់ថាចាប់តាំងពីឆ្នាំ ១៩៤៩ ដែលប្រទេសចិនបានបញ្ចប់សង្គ្រាមស៊ីវិល នៅក្នុងប្រទេស គឺរដ្ឋាភិបាលចិនមិនបានបំបែកកោះតៃវ៉ាន់ជា ប្រទេសឯករាជ្យឡើយ ដោយក្នុងនោះដែនកោះមួយនេះបានប្រើប្រាស់ ច្បាប់តែមួយរបស់ប្រទេសចិន។ ក៏ប៉ុន្តែមួយរយៈពេលចុងក្រោយដែនកោះមួយនេះ បានព្យាយាមទាមទារឯករាជ្យពីប្រទេសចិន ដោយក្នុងនោះតៃវ់ាន់បានយក សហរដ្ឋអាមេរិកជាសម្ព័ន្ធមិត្តជិតស្និតរបស់ខ្លួនផងដែរ៕

 

 

 

 

 

 

 

 

 

 

 

 

 

 

 

ប្រភព៖​ Sputnik

https://sputniknews.com/military/201803201062708888-china-military-pressure-us-taiwan/

 

Facebook Comment

Related Articles